Qishdan qochish: hozirning o‘zida issiq havoni xohlayotganlar uchun dengiz bo‘yidagi 9 ta yo‘nalish
Qayerda to‘lqin tutish, plyajda dam olish va salyutlarni tomosha qilish mumkin.
Yangi yil marshrutini tanlash – har doim ham qiyin boshqotirma. Tarozining bir pallasida parvoz narxi va ob-havo, ikkinchisida esa o‘sha kechaning formati turadi: bu qum ustidagi shovqin-suronli reyv bo‘ladimi, mehmonxonadagi dabdabali gala-kechki ovqatmi yoki to‘lqin shovqini fonidagi sokin kechami – nima xohlashingizga bog’liq.
Toshkentdan eng sertalab yo‘nalishlarni o‘rganib chiqdik, xarajatlarni hisob-kitob qildik va bayram uchun eng qulay mamlakatlar TOPini tuzib chiqdik.
Qishki dam olish uchun yo‘nalishni qanday tanlash mumkin?
Qishda narxlar o‘zini to‘lqinsimon bo’ladi: dekabr oxiridagi cho‘qqidan so‘ng, yanvarning ikkinchi yarmi yoki fevralga arzonroq parvozni “ushlash” fursati keladi. Tanlashda nafaqat mamlakatga, balki mintaqaga ham e’tibor bering: bu vaqtda ob-havo hatto bitta qirg‘oq ichida ham keskin farq qilishi mumkin.
Sayohatchilarning eng ko‘p yo‘l qo‘yadigan xatosi – sanani emas, mamlakatni tanlash. Yangi yilni “qayerga?” savolidan emas, balki ikkita hayotiy savoldan boshlash muhim: “qachonga chipta sotib olish kerak?” va “bu vaqtda qaysi hududda ob-havo barqaror bo’ladi?”.Ammo masalaning mehmonxonalar bilan bog’liq bitta nozik tomoni ham bor. Yangi yilda ulardagi xonalarni har doim ham sifatiga qarab emas, balki joylashuviga qarab olishadi: dengizga olib chiqadigan plyajlari bor joylar birinchi bo‘lib ketadi. Yana bir jihat bor – transferlar. Yo‘nalish qanchalik murakkab bo‘lsa, aeroportlar tirbandligi tufayli kechikish xavfi shunchalik yuqori bo‘ladi. Shuning uchun to‘g‘ridan-to‘g‘ri reys + qisqa transfer yoki qulay transfer variantlari va ob-havo ma’lumotlari bilan darhol tanishib chiqqan ma’qul. Shunda hafsalangiz pir bo‘lmaydi va kerakli marshrutini rejalashtirib qo’yasiz
Tailand
Shovqinli, quvnoq va juda jonli bayramni xohlaydiganlar uchun.
Parvoz: Toshkentdan Bangkokka yoki Pxuketga — 350 dollardan boshlanadi (4 mln so‘m).
Ob-havo: mukammal quruq mavsum. Havo harorati +30°, suv +27°.
Viza: O‘zbekiston fuqarolari uchun kerak emas (60 kungacha).
Bangkok shahar markazida va savdo markazlarida mushakbozliklar va konsertlar uyushtiriladigan ulkan bir sahnaga aylanadi. Pxuket va Pattayada barcha faolliklar plyajlarga ko‘chiriladi, u yerda ertalabgacha musiqa yangraydi, osmonda minglab chiroqlar porlaydi va mushaklar otiladi.
Daryo yoki dengiz manzarasi ochiladigan tom ustida kechki ovqat bir kishi uchun taxminan 70-200 dollar turadi. Mashhur hududlarda mehmonxonalar narxi yangi yil arafasida bir kecha uchun 120-250 dollargacha (1,4-2,9 mln so‘m) ko‘tariladi. Sayyohlar ko‘p, shuning uchun asosiy plyajlardan uzoqroqda sokinlikni topish osonroq, ammo muhit baribir yorqin va bayramona bo‘lib qoladi. Agar Janubi-Sharqiy Osiyo bilan tanishishni qaysi mamlakatdan boshlashni hal qila olmayotgan bo’lsangiz, materialimizni tanishing – u yerda biz ikkita mamlakatni taqqoslaganmiz.
Shri-Lanka
Dengiz bo‘yida iliq va samimiy bayram qilishni istaganlar uchun.
Parvoz: boshqa samolyotga o‘tirish (tranzit) orqali, Kolombogacha — 325 dollardan boshlanadi (3,8 mln so‘m).
Ob-havo: janubda (Mirissa, Unavatuna) quyosh va sokin okean, +29°C atrofida.
Viza: elektron (ETA), bir necha daqiqada onlayn rasmiylashtiriladi.
Kolomboda sayyohlar Galle Face Green asosiy qirg‘og‘iga borishadi, okean bo‘ylab sayr qilishadi, musiqa tinglashadi va mushakozlikni tomosha qilishadi. Janubda harakatlar plyajga ko‘chadi: suv bo‘yiga stollar qo‘yiladi, baliq va qisqichbaqalar qovuriladi, jonli musiqa yangraydi. Mirissada odatda DJlar ishtirokida shovqinli kechalar bo‘lib o‘tadi, Unavatuna va Xikkaduvaning bir qismida esa muhit tinchroq: qum ustida bir nechta stollar, shamlar, gitara. Dengiz bo‘yida kechki ovqat taxminan 15-40 dollar (179-478 ming so‘m), mehmonxonada gala-kechki ovqat 60-120 dollar (717 ming – 1,4 mln so‘m) turadi.
Agar mabodo Shri-Lankaga sayyohlik firmalarisiz borishni xohlab qolsangiz, mustaqil sayohatchilar uchun yo‘riqnomamizni albatta o‘qib chiqing.
BAA
Yangi yilni osmono‘par binolar va yorqin mushakbozliklar ostida kutib olmoqchi bo‘lganlar uchun.
Parvoz: variantlar orasida eng yaqini, chiptalar 300 dollardan (3,5 mln so‘m) boshlanadi.
Ob-havo: harorati iliq, kunduzi +25 daraja iliq, dengiz musaffo.
Viza: 30 kungacha kerak emas.
Dubay — miqyos bo‘yicha chempion. Burj Xalifa ustidagi mushakbozliklar hamda favvoralar shousi hashamatli va ta’sirli ko‘rinadi. Mushakbozliklar yaxshi ko’rinadigan joyda kechki ovqat — 100-300 dollar (1,1-3,5 million so‘m) va undan qimmatroq turadi. Abu-Dabi va Ras-al-Xaymda bayram tinchroq o‘tadi. Muallifimiz Ulpan Ramazanova Amirliklarning ijobiy va salbiy tomonlari haqida so‘zlab berdi.
Vyetnam
Kontrastlarni yaxshi ko‘radiganlar uchun.
Parvoz: boshqa samolyotga o‘tirish (tranzit) orqali, Fukuok yoki Hoshiminga — 700 dollardan (8,3 million so‘m) boshlanadi.
Ob-havo: Fukuok quruq va issiq (+30°C). Nyachangda yomg‘ir yog‘ishi mumkin.
Viza: e-visa kerak (onlayn rasmiylashtiriladi).
Dastlab vetnamliklar bizga tanish bo‘lgan Yangi yilni nishonlashadi, keyin esa ikkinchi davraga o’tishadi — ya’ni, Tetaga tayyorgarlik ko‘rishadi. Bu yanvar oyining oxiri yoki fevral oyining boshiga to‘g‘ri keladigan mahalliy oy Yangi yili. Bu vaqtda Hoshimin va Xanoy mushakbozliklar va yo‘llardagi olomondan iborat heksiz festivalga aylanadi.
Agar suvga yaqinroq joyda bayram qilishni xohlasangiz, Fukuok yoki Nyachangga boring. Qirg‘oqlarda musiqa yangrab turadi, plyajlar esa odamlar bilan to‘ladi. Ovqatning tartibi quyidagicha: fo sho‘rvasini (bir porsiya) 2-4 dollarga topish mumkin, dengiz mahsulotlari uyumi uchun esa 10 dollardan 25 dollargacha to‘laysiz. Agar qalb keng ko‘lamli bayramni xohlasa, mehmonxonalarda gala-kechki ovqatlar 50-150 dollar atrofida bo‘ladi.
Faqat ovqatlanish va plyaj bilan cheklanib qolmaslik uchun Nyachang bo‘ylab qo‘llanmamiz bilan tanishing — u yerda sayohatdan oldin bilishingiz kerak bo‘lgan hamma narsa bor.
Bali
Katta masshtabli mushakbozliklar emas, balki “vayb”ni muhim deb biladiganlar uchun.
Parvoz: 700 dollardan (taxminan 8,8 million so‘m) boshlanadi.
Ob-havo: yomg‘irlar mavsumi, nam, jalalar to‘satdan quyishi mumkin (ammo qisqa muddatli).
Viza: e-VOA onlayn (uchib kelganda rasmiylashtiriladigan elektron viza).
Seminyak va Kuteda bayram to‘g‘ridan-to‘g‘ri plyajga olib boriladi. Mahalliy klublarga kirish 60-150 dollarga, kechki ovqat esa 40-120 dollarga tushadi. Agar yanada ta’sirliroq biror narsa istasangiz, qoyalardagi manzarali ko‘rinishlari bilan mashhur Bukitni yoki shovqin o‘rniga shamlar, jonli musiqa va changalzorlar bilan o‘ralgan Ubudni tanlashingiz mumkin.
Ammo mushakbozlik bo’lishini kutmang: rasmiylar pirotexnikaga berilmaslikni va atmosferaga e’tibor qaratishni so‘ramoqda. Oylanishga vaqt yo‘q deganlaridek, o‘zingizning “vayb”inggizni tanlang va oldindan band qiling.
Xitoy, Xaynan
Dronlar, lazerlar va aniq dasturga ega Yangi yil bayramini istaydiganlar uchun.
Parvoz: boshqa samolyotga o‘tirish (tranzit) orqali, 400 dollardan (5 mln so‘m) boshlanadi.
Ob-havo: kunduzi +24 daraja, suvda +23 daraja bo‘ladi.
Viza: 30 kungacha vizasiz.
Yangi yil arafasida Sanyeda “hammasi ichida (all inclusive)” rejimi: konsertlar va tungi bozorlardan tortib, lazer shoulari va “Atlantis” kabi majmualardagi dronlargacha. Mehmonxonalar gala-kechki ovqatlar va aniq rejalashtirilgan spektakllardan pullarni ayamaydi, shuning uchun bayram imkon qadar yuqori darajada o‘tadi.
Agar lazer shou yorug‘ligidan o’zingizni chinakam taomlarga olib qochmoqchi bo‘lsangiz, bizning Xitoy bo‘yicha gastro-gidimiz bilan tanishib, chinakam xitoy oshxonasini izlang.
Misr
Butun oilasi bilan boradiganlar uchun.
Parvoz: 450 dollardan (5,7 mln so‘m) boshlanadi.
Ob-havo: kunduzi issiq (+24°C), kechqurun kurtka asqotadi.
Viza: e-visa kerak.
Barcha faolliklar mehmonxonalar ichida mujassam qilingan: gala-kechki ovqatlar, shoular, raqslar va animatsiyalar. Yangi yil kechasi uchun plyaj va Qizil dengiz – bu shunchaki yoqimli bonus. Shaharda mushakbozlik deyarli yo‘q, shuning uchun bayram yopiq hududda o‘tkaziladi.
Goa
Erkinlik, musiqa va qat’iy dastursiz plyaj izlaganlar uchun.
Parvoz: Yangi yil arafasida chiptalar odatda 350 dollardan (4,1 million so‘m) boshlanadi.
Ob-havo: kunduzi +29-32 daraja, kechasi yoqimli, dengizda +28 daraja atrofida bo‘ladi.
Viza: O‘zbekiston fuqarolariga e-visa kerak, uni oldindan onlayn rasmiylashtirishadi.
Bayram kunlari butun Shimoliy Goa — bu bitta katta reyvga aylanadi. Arambol, Morjim, Vagator va Anjunada sizni ertalabgacha qum ustida gulxanlar va cheksiz musiqali festival kutmoqda. Agar tinchroq biror narsa xohlasangiz, Janubni tanlang: Kolva yoki Palolemda to‘g‘ridan-to‘g‘ri suv bo‘yida dasturxon yoziladi, jonli musiqa yangraydi va mushakbozliklar boshlanadi.
Langkavi (Malayziya)
Yangi yilni mushakbozlik bilan, lekin olomonsiz dengiz bo‘yida kutib olmoqchi bo‘lganlar uchun.
Parvoz: noyabr oyidan boshlab O‘zbekistondan to‘g‘ridan-to‘g‘ri reyslar amalga oshirilmoqda. Chiptalar 580 dollardan (taxminan 7,5 mln so‘m) boshlanadi.
Ob-havo: kunduzi +29–31 daraja, kechasi +22,5 daraja bo‘ladi.
Viza: 30 kungacha kerak emas.
Langkavida Yangi yil iloji boricha xotirjam o‘tadi. Chenang plyajida stollar to‘g‘ridan-to‘g‘ri suvga olib chiqiladi, sokin musiqa yangraydi va kechki ovqat 15-30 dollarga tushadi. Yarim tunda balandlarga otiladigan mushaklar oynalaringizda emas, balki dengizda aks etadi. Bayramni kengroq o‘tkazishni istaganlar katta mehmonxonalardagi gala-kechalarni tanlashadi — ular 40 dollardan 200 dollargacha turadi.
Bu yerda hech kim shoshilmaydi, dengiz sokin, atmosfera esa tom ma’noda mudroq. Ajoyib lokatsiyalarni o‘tkazib yubormaslik va eng yaxshi ko‘cha taomlarini qayerda tatib ko‘rishni bilish uchun Kuala-Lumpur shahridan gidimiz bilan tanishing.
