Toshkentda kechqurun qayerga borish mumkin? barlar, pablar va gastrokoʻchalar
Konsert, nastoykalar, noodatiy joylar va raqslar qayerga topishka buladi?
Toshkentda bir oqshomning oʻzidayoq yertoʻladagi rok-konsertga borish, ryumochnayada nastoyka ichish va faqat taklifnoma bilan kiriladigan mehmonxona tomida boʻlish mumkin. Ushbu maqolada Toshkentda oqshomni maroqli oʻtkazish mumkin boʻlgan sinalgan joylar haqida soʻz yuritamiz.
Qayerda raqsga tushish va jonli musiqa tinglash mumkin?
Jonli ijro yoki tonggacha raqsga tushishni istasangiz, konsertlar va didjey-setlar boʻladigan joylarni tanlang. Shuni eʼtiborga olingki, ushbu toʻplamdagi deyarli hamma joyda feys-nazorat mavjud, Gravity hamda Bootleggerʼga esa faqat taklifnoma bilan kiritiladi.
«Куранты»
- Suratlar barning ijtimoiy tarmoqlaridan olingan
Manzil: Amir Temur shoxkoʻchasi, 3B.
Ish vaqti: 13:00 — 02:00.
Oʻrtacha hisob: 650 mingdan boshlanadi.
Restoran-bar Toshkent kurantlari — 1947-yil 9-mayda ochilgan soat minorasi yonida faoliyat yuritadi. Mexanizm urushdan soʻng Sharqiy Prussiyadan keltirilgan boʻlib, u hamon ishlab turibdi. Ichkarida ulkan qandil va mushuk surati tushirilgan kreslolar mavjud, maskan jozibali, tashrif buyuruvchilar ham shunga mos.
Steam
- Suratlar barning ijtimoiy tarmoqlaridan olingan
Manzil: Niyozbek yoʻli koʻchasi, 2.
Ish tartibi: 16:00 – 02:00.
Oʻrtacha hisob: 250 ming soʻmdan boshlanadi.
Pab stimpank uslubida bezatilgan: metall quvurlar, tishli g‘ildiraklar va mis detallar. Ichkarida ikki qavat bo‘lib, har birida jonli musiqa guruhlari ijro etadi, bu yerda esa har kuni raqslar bo‘ladi. Yozda ayvon ishlaydi, sport translyatsiyalari namoyish etiladi. Menyuda Texas barbekyusi, burgerlar, pivo va nastoykalar bor, biroq mahalliy odamlar ovqat emas, balki nastoyka olishni maslahat berishadi.
«Понаехали»
Manzil: Mirobod koʻchasi, 27/6.
Ish tartibi: 15:00 – 04:00.
Oʻrtacha hisob: 250 ming soʻmdan boshlanadi.
Pab 2023-yilda uydan olisda qolganlar uchun maskan sifatida ochilgan, nomi ham shundan kelib chiqqan. Barda oʻndan ortiq pivo navlari, mualliflik kokteyllari, burgerlar va tamaddilar bor. Karnaylardan rok, disko hamda 80–90-yillar xitlari yangraydi. Ish kunlarida va dam olish kunlarida “ponayexali”da stendaplar, konsertlar, bir-pong va stol oʻyinlari boʻlib oʻtadi. Masalan, ochiq mikrofon kunlarida kirish bepul, ammo bardan nimadir buyurtma qilish kerak.
VM Bar
- Suratlar barning ijtimoiy tarmoqlaridan olingan
Manzil: Sodiq Azimov koʻchasi, 50.
Ish tartibi: 19:00 – 05:00.
Oʻrtacha hisob: 400 ming soʻmdan boshlanadi.
VM “Vertikal olam” (Вертикальный мир) degan ma’noni anglatadi. Rok-bar 2000-yillarning o‘rtalaridan buyon faoliyat yuritadi, bir necha bor ko‘chgan va yopilgan, 2020-yilda esa yangi joyda ochilgan. Kirish joyini payqamay o‘tib ketish oson: bar yarim yerto‘la qavatda joylashgan, biroq avtoturargohda bayklar turgan bo‘lsa — demak, yetib keldingiz. Pastda sahna, raqs maydonchasi va rok-guruhlar posterlari bilan bezatilgan yarim qorong‘i zal joylashgan — muhit nihoyatda norasmiy — charm kiyimlardagi, baykerlar kurtkasidagi, gotik liboslardagi odamlarni uchratish mumkin. Ammo unutmang: sport kiyimida, shorti va shippakda kiritishmaydi. Konsertlarga kirish pullik, odatda 50–200 ming so‘m.
BEK, Impuls yoki Just band guruhlarining konsertiga boring. Birinchilari ogʻirroq musiqa ijro etadi, qolganlarida esa — pop va yengil rokka kaverlar. Agar siz noan’anaviylikdan (norasmiylikdan) yiroq boʻlsangiz va 2007-yilda yirtiq jinsi hamda kedadagi uchta chiziq haqidagi trekni eshitmagan boʻlsangiz, muassasa sizga yoqmasligi mumkin.
Bla Bla Bar
Manzil: Shahrisabz koʻchasi, 31B.
Ish tartibi: 21:00 – 03:00, har kuni.
Oʻrtacha hisob: 400 ming soʻmdan boshlanadi.
Bu yerda bir tom ostida oltita bar, gastrobar, VIP-hududli restoran va sahna joylashgan — bir oqshomning oʻzida turli konsepsiyadagi peshtaxtalarni aylanib chiqish mumkin. Xaus musiqasi yangraydi, tashrif buyuruvchilar zamonaviy, kechalar esa shovqinli va gavjum. Juma va shanba kunlari Bla Bla’da konsertlar boʻlib oʻtadi. Bu yerda feys-nazorat va dress-kod mavjud: erkaklar 25 yoshdan, ayollar esa 21 yoshdan kiritiladi.
Gravity Bar
Manzil: Mirobod 1-tor koʻchasi, 45, Sapiens mehmonxonasining beshinchi qavati.
Ish tartibi: 10:00 – 02:00, har kuni.
Oʻrtacha hisob: 300 ming soʻmdan boshlanadi.
Bu yerga kirish oson emas: mehmonxona mijozlari, yopiq klub rezidentlari va rezident kafillik berganlargina kiritiladi. Bar Sapiens mehmonxonasining tomida joylashgan, zal markazida GRAVITY yozuvli lift shaxtasi qad ko‘targan, tomi esa suriladi — yozda amalda ochiq osmon ostida o‘tirasiz. Kunduzi bu yerda noutbukda ishlashadi, tunda esa aftepatiga kelishadi va hamma bir-birini taniydigandek tuyuladi. Doimiy mehmonlar — media, marketing va boshqa ijodiy soha vakillari. Asosiy taom — burgerlar: qo‘ziqorinli tryufel, xalapeno va o‘ziga xos blyu-chiz. Kechalarning laynapini mehmonlar oldindan intiqlik bilan kutishadi: bu yerda pult ortiga, masalan, Ivan Dorn o‘tgan. Qanday qilib rezident bo‘lish mumkinligini muassasaning Instagram sahifasi orqali bilib olish mumkin.
Bootlegger Bar
Manzil: Niyozbek yoʻli koʻchasi, 2.
Ish tartibi: 20:00 – 04:00.
Oʻrtacha chek: 500 ming soʻmdan boshlanadi.
AQSHda “quruq qonun” davrida alkogol bilan yashirin savdo qilganlar butlegerlar deb atalgan. Bu yerda oʻsha davrdan koʻra koʻproq dekor emas, balki tamoyilning oʻzi saqlanib qolgan: bar xususiy boʻlib, unga faqat rezidentlar va ular oʻzlari bilan olib kelganlargina kiritiladi. Rezidentlik hammaga ham berilavermaydi, arizani koʻrib chiqish paytida ijtimoiy tarmoqlaringizni tekshirishlari mumkin. Ichkarisi ixcham va tor, taklif etilgan, shu jumladan xorijiy didjeylar kuy chalishadi. Bu joy suhbatlashishdan koʻra koʻproq raqsga tushish uchun moʻljallangan.
Zimmer
Manzil: Shahrisabz koʻchasi, 33A (Mirzo Ulugʻbek tumani).
Ish tartibi: 17:00 dan boshlab.
Oʻrtacha chek: 400 ming soʻmdan boshlanadi.
Eski sovet xonadoni uslubida bezatilgan kichik qovoqxona: servantlar, xira yorugʻlik hamda zal va hovlida aylanib yuradigan mushuklar. Nastoykalarni oʻzlari tayyorlashadi, kokteyllar va quyma Guinness bor, gazaklardan esa sardina va malinali pashtet tanlashadi. Musiqa sokin, shuning uchun bu yerga raqsga tushish emas, suhbatlashish uchun kelishadi. Joy kam, shuning uchun ertaroq kelib, peshtaxta ortidan, yozda esa ayvondan joy olgan ma’qul.
Yagona kamchiligi — oʻtiradigan joylarning kamligi. Bar tor, ichkariga suqilib kirish va boʻsh stol topish qiyin. Ammo damlamalari yaxshi, ayniqsa olchali va limonlisi.
Unity
Manzil: Minor massivi, 88.
Ish tartibi: 10:00 dan 04:00 gacha; oshxona 11:00 da ochiladi.
Oʻrtacha hisob: 200 ming soʻmdan boshlanadi.
Kunduzi bu specialty donlaridan qahva tayyorlanadigan qahvaxona, kechqurun esa — noodatiy va doim yangilanib turadigan kokteyl xaritasiga ega bar. Musiqa vinil pleyerdan yangraydi, stollar atrofida esa shaxmat oʻynash mumkin. Unityʼda muntazam ravishda jaz kechalari va mahorat darslari, dam olish kunlari esa mavzuli kechalar boʻlib oʻtadi. Bu yerga uy hayvoningiz bilan kelishingiz mumkin, haftalik menyu va laynapni esa ijtimoiy tarmoqlardan koʻring.
Yashirin hovlichalar va ayvonlarni qayerdan izlash kerak?
Toshkentning eng noodatiy barlarida peshlavha boʻlmaydi, kirish joyini esa faqat qayerga borishni biladigan odamgina topa oladi. Bu mahalladagi garaj eshigi, avtoturargoh tomondagi yoʻlak yoki pechakzor ichidagi koʻrimsiz bir eshik boʻlishi mumkin.
Nukus 89
Manzil: Nukus koʻchasi, 89, toʻrtinchi qavat, kirish avtoturargoh tomonidan.
Ish tartibi: 17:00 – 05:00.
Oʻrtacha hisob: 500 ming soʻm.
Bar turar joy binosi ichida yashiringan hamda ijodiy kasb egalarining maskanidir. Kunduzi bu yerda noutbuk bilan ishlashadi, kechasi esa raqsga tushishadi. Kechqurun bu yerga mualliflik kokteyllari va vinildagi didjey-setlar uchun kelishadi, zalda esa Toshkent bohemasi toʻplanadi. Afishada xard-texno kechalari va konsertlar ham boʻlib turadi. Yozda ayvon ochiq boʻladi, kichikroq it bilan kelish mumkin. Laynapni Instagram’da kuzatib boring.
Joydaman
Manzil: Katta Mirobod 1-tor koʻchasi, 11.
Ish tartibi: seshanbadan yakshangacha — 12:00 – 00:00, dushanba — dam olish kuni.
Oʻrtacha hisob: 300 ming soʻmdan boshlanadi.
Bu barning kirish qismi — mahallaning sokin koʻchasidagi peshlavhasiz garaj eshigi. Uning ortida hovlisida balkoni va soʻrisi (topchani) bor eski hovli joylashgan. Ichkarida hamma joyga gilamlar toʻshalgan, vinil plastinkalar yangraydi, yuqorida esa choyxona va koʻrpachalarga yonboshlab dam olish mumkin boʻlgan joy bor. Shanba kunlari musiqa ixlosmandlari oʻz plastinkalari bilan kelishadi, baʼzan esa peshtaxta ortiga taklif etilgan mehmonlar — blogerlar, fotograflar, musiqachilar oʻtishadi. Oshxonasi xilma-xil: paelya ham, briskit ham, vareniklar ham boʻladi — barchasi Parkent tumanidagi oʻz fermalaridan keltirilgan mahsulotlardan tayyorlanadi. Bar tadbirlari ketma-ketligini (laynapini) uning ijtimoiy tarmoqlarida kuzatib boring.
Zevon Bar
Manzil: Abdulla Qodiriy koʻchasi, 35.
Ish vaqti: 18:00-03:00.
Oʻrtacha chek: 300 ming soʻm.
Bu yunon-rim uslubidagi bar bo‘lib, unda Zevs to‘g‘ridan-to‘g‘ri devordan chiqib turadi. Ichkariga “Velvet” restorani orqali kirish mumkin. Qizil neon nurlari ostida antik haykallar xuddi siz aslzoda vampirlar haqidagi Yevropa kinosiga tushib qolgandek taassurot uyg‘otadi. Terrasa va afterparti uchun alohida hudud mavjud, afro-xaus yangraydi, oyda bir marta pult ortiga xorijiy didjeylar o‘tadi. Feys-nazorat va 21+ cheklovi amal qiladi.
Gastrokoʻchada qayerga borish mumkin?
Butun oqshomni bitta joyda oʻtkazishni istamasangiz, muassasalar bir-biriga yaqin joylashgan yerga boring. Masalan, Taras Shevchenko koʻchasiga — bu Toshkentdagi ilk gastronomik koʻchadir. Bu yerdagi kafe va restoranlar tonggacha ishlaydi.
The Irish Pub
Manzil: Taras Shevchenko koʻchasi, 30.
Ish tartibi: har kuni 23:00 gacha.
Oʻrtacha hisob: 450 ming soʻmdan boshlanadi.
Pabni oʻrta asr qal’asi minorasi koʻrinishidagi fasadidan osongina tanib olish mumkin. Ichkarisi Irlandiya yoki Angliyaning qayeridadir uchratish mumkin boʻlgan klassik pab: qora yogʻochdan ishlangan muhit, menyuda xalqaro pivo va bir nechta ekranlarda sport translyatsiyalari, shu sababli oʻyin kunlari bu yer odam bilan gavjum va shovqinli boʻladi. Bu yerda Germaniyaning Bamberg pivosini tatib koʻring, unga qoʻshimcha sifatida esa — feta sousli sarimsoqli non yoki tovuq shnitselini oling. Shuni inobatga oling: bu yerda toʻgʻridan-toʻgʻri zalda chekishadi, shuning uchun chekmaydiganlarga ikkinchi qavatga oʻtirish ma’qulroq.
Kaspiyka
Manzil: Taras Shevchenko ko‘chasi, 21A.
Ish tartibi: 12:00 dan 00:00 gacha.
O‘rtacha chek: 300 ming so‘mdan boshlanadi.
Dengiz mahsulotlari to‘plamlari va prosekkosi uchun tashrif buyuriladigan baliq restorani. Menyu o‘zida maxsus tuzlangan seld balig‘i, Odessa usulidagi baliq sho‘rvasi (uxa), qarsildoq xamirdagi krevetkali popkorn hamda krevetkali ayronli okroshkani jamlagan. Yozda veranda (ochiq ayvon) ishlaydi, stolni oldindan band qilib qo‘ygan ma’qul.
Roni Pizza Napoletana
Manzil: Taras Shevchenko koʻchasi, 21A.
Ish tartibi: 09:00 dan 00:00 gacha, nonushtalar 09:00 dan 13:00 gacha.
Oʻrtacha chek: 100–150 ming soʻm.
Ochiq oshxonali Neapolcha pitsaxona boʻlib, u yerda xamir qanday qorilishi va pechga uzatilishini koʻrish mumkin. Bu yerda turli xildagi pitsalar bilan birga prosecco, vino yoki aperol ichish mumkin. Qiziqarlilaridan biri — besh xil golland pishlogʻidan tayyorlangan pitsa.
Soho Square
Manzil: Taras Shevchenko koʻchasi, 23, oltinchi qavat.
Ish vaqti: 20:00 dan.
Oʻrtacha hisob: 300 ming soʻm.
Oltinchi qavatdagi raqs maydonchasiga ega tungi klub — Shevchenkodagi kechki ovqatdan soʻng, pastdagi restoranlar allaqachon yopilayotgan paytda bu yerga koʻchib oʻtish mantiqan toʻgʻri boʻladi. Feys-nazorat va dress-kod amal qiladi, kirish 21 yoshdan.
Barga borishdan oldin nimani bilish kerak?
- Alkogol 21 yoshdan sotiladi. 18 yoki 20 yoshdan emas. Agar yoshroq koʻrinsangiz, sizdan hujjat soʻrashadi, hujjatsiz esa buyurtmani rad etishadi. Tanlovdagi koʻplab barlar oʻzlari ham 21+ yosh chegarasini qoʻyishadi.
- Feys-kontrol va dress-kod — odatiy hol. Ular shaharning aksariyat tungi barlarida amal qiladi. bu yerda aynan qanday kiyimda aniq kiritishlarini tasvirlagan ma’qul
- Hisobga xizmat koʻrsatish haqi qoʻshiladi. Ustama odatda 10–15%, ammo 25% gacha ham yetishi mumkin. Hatto peshtaxta oldida bir bokal ichimlik olgan boʻlsangiz ham, u hisoblanadi. Summani oldindan aniqlashtirib olgan, chekni esa toʻlovdan oldin tekshirgan ma’qul.
- Stolni oldindan band qilgan yaxshiroq. Ommabop joylar juma oqshomiga kelib toʻlib ketadi, Zimmer kabi kichik barlarda esa, agar kech kelsangiz, faqatgina peshtaxta yoniga oʻtirish mumkin boʻladi.
- Chekish hamma joyda ham ruxsat etilmagan. Oddiy sigaretalar, chilim va veyplarni yopiq jamoat joylarida chekish mumkin emas, ammo umumiy ovqatlanish joylarida maxsus ajratilgan xonalar boʻlishi mumkin. Ba’zi barlarda toʻgʻridan-toʻgʻri zalning oʻzida chekishadi. Agar bu siz uchun muhim boʻlsa, stol band qilishda chekilmaydigan zal haqida soʻrang.
- Muassasa ishlayotganligini tekshiring. Joyning ijtimoiy tarmoqlariga koʻz yugurtiring: u yerda bugun kim musiqa qoʻyishi ham e’lon qilinadi. Agar ijtimoiy tarmoqlardagi soʻnggi post bir oy oldin qoʻyilgan boʻlsa, qoʻngʻiroq qilib, bar ta’mirga yopilmaganiga ishonch hosil qilgan ma’qul.
