Kuzda dam olish kunlari Toshkentdan qayerga borsa boʻladi?

Avgust oxiri va sentyabr boshiga uzoq bayram kunlari toʻgʻri kelmoqda: oʻzbekistonliklarda dam olish uchun toʻrt kun boʻladi. Agar parvozlarga va uzoq yoʻlga vaqt sarflashni istamasangiz, Toshkent yaqinida kichik ta’til uyushtirish mumkin. Ushbu toʻplamda yettita variant jamlandi: bir kunlik hamyonbop sayohatlardan tortib tunab qolinadigan dam olishgacha. Ushbu bayram kunlarida borishga ulgurmasangiz — muammo emas, barcha yoʻnalishlarni boshqa istalgan dam olish kunlarida ham osongina takrorlash mumkin.

Soʻqoq: oʻrmon, sayr va minimal xarajatlar

• 
• 
• 
• 
• 
• 

Qanday yetib boriladi: Toshkentdan Parkentga “Mashinasozlar” va “Qoʻyliq” metro bekatlaridan avtobuslar qatnaydi, u yerdan esa Soʻqoqqacha — taksida borasiz. Boshqa variant — toʻgʻridan-toʻgʻri poytaxtdan taksida borish.

So‘qoq — bir kunlik sayohat uchun ajoyib maskan. Bu yerga tabiat qo‘ynida bo‘lish: o‘rmon bo‘ylab sayr qilish, piknik uyushtirish va shahardan olisda bir necha soat vaqt o‘tkazish uchun kelishadi. Joyning o‘zida yo‘nalishni tanlash mumkin: meteostansiyaga ko‘tarilish yoki kichik g‘orlargacha borish. Ertalab kelgan ma’qul: sayr qilib, so‘ng qo‘riqxonadan tushib, mashhur kabob va somsalar bilan tushlik qilish mumkin. O‘zi bilan yegulik olib kelganlar uchun esa hududda piknik stollari mavjud.

Nimani e’tiborga olish kerak: qoʻriqxonaga boradigan yoʻl tor, avtoturargoh kichik, dam olish kunlari esa kun yarmiga boriboq joylar band boʻladi. 

Chinorkent: togʻlar, dor yoʻli va goʻzal manzaralar

Qanday yetib boriladi: taksi yoki shaxsiy avtomobilda.

Bu yerga togʻ va daryo manzarali zamonaviy dor yoʻli, bolalar maydonchalari hamda restoranlar uchun kelishadi. Bayram kunlarida dor yoʻlida borib-kelish uchun sayr chiptasi narxi kattalar uchun 135 ming soʻm, toʻrtdan 13 yoshgacha boʻlgan bolalar uchun esa 70 ming soʻmni tashkil etadi. Aytgancha, yaqinda togʻ majmuasida alp togʻlari uslubidagi attraksion — relslar boʻylab chana yo‘li ishga tushdi, unda tezlikni qoʻl tormozi orqali oʻzingiz boshqarasiz. Bir kishi uchishi 140 ming soʻm, ikki kishi esa — 200 ming soʻm turadi. Ushbu attraksiondan tashqari, hududda kontaktli hayvonot bogʻi ham mavjud. Sayohatni yumshoq yorugʻlikda suratga tushish va quyosh botishini togʻlarda kutib olish uchun kechki paytga yaqinroq rejalashtirgan ma’qul.

Oqtosh: sharsharalar atrofida hayking yoki mehmonxonada dam olish

Qanday yetib boriladi: “Buyuk Ipak yoʻli” metro bekatidan Gʻazalkentgacha marshrutkada, soʻngra — taksida.

Oqtosh — Toshkentga yaqin tabiiy hudud. Bu yerga bir kunlik sayohatga yoki basseynli mehmonxonalarda dam olish uchun kelishadi. Sayr qilishni xush koʻruvchilar uchun Qoraqiyasoy sharsharasiga olib boradigan yoʻnalish mos keladi. Yoʻl taxminan ikki soat davom etadi. Xohishga koʻra chodir ijaraga olib, tunab qolish ham mumkin.

Oqtoshda sokin dam olish uchun Heaven’s Garden togʻ majmuasi joylashgan. Nonushtasi bilan ikki kishilik xona 1 mln 100 ming soʻmdan boshlanadi. Majmuaning asosiy oʻziga xosligi — infiniti-basseyn.

Xuddi shu mavzuda ko‘proq ma'lumot

Tabiatga yaqinroq: Toshkentdagi smogdan qayerga qochish mumkin?

Keling,  bunday qilamiz: sizdan  Aviasales.uzʼga obuna bo’lish,  bizdan esa — hurmat va ehtirom

Telegram

Instagram

Oromsoy: Amirsoy yaqinida hamyonbop dam olish 

• 
• 
• 
• 

Qanday yetib boriladi: Toshkentdan Amirsoy togʻ-changʻi kurorti yoʻnalishida taksi yoki avtomobilda.

Oromsoy shovqin-suronsiz, sokin shahar tashqarisidagi dam olishni ma’qul koʻradiganlar uchun juda mos keladi. Majmuada ikki kishilik xonalar mavjud, katta jamoalar yoki oilalar uchun esa butun bir blokni band qilish mumkin. Hududda basseyn, stol tennisi va karaoke bor.

Yashash narxi bir kishi uchun 600 ming soʻmdan boshlanadi. Narxga kuniga uch mahal ovqatlanish kiritilgan. Majmua Amirsoy dor yoʻlining quyi stansiyasi yaqinida joylashgan boʻlib, u yerdan choʻqqiga chiqish va sayr qilish oson.

Usmon Ota: qarmoqlar va xoʻrakni tayyorlaymiz

• 
• 

Qanday yetib boriladi: Toshkentdan taksi yoki shaxsiy avtomobilda.

Bu yerga suv boʻyida dam olish va doʻstlar davrasida baliq ovlash uchun kelishadi. Hududda bir nechta suv havzasi, oʻrindiqlar va shiyponlar mavjud. Bir kunlik dam olish uchun supada joy band qilish mumkin — bu bir kishi uchun 200 ming soʻmni tashkil qiladi. Tunab qolish yoki katta jamoa bilan hordiq chiqarish uchun 2 million soʻmga olti kishilik kottej bor. Oziq-ovqat va ichimliklarni oʻzingiz bilan olishingiz kerak: hududda oshxona yoki restoran yoʻq, ovqatni mustaqil tayyorlash lozim. Majmuada, shuningdek, ikkita basseyn ishlaydi, ulardan biri — suv attraksioni (gorka) bilan jihozlangan. Oʻziga xos jihatlaridan: suv havzalari yaqinida pashshalar koʻp boʻlishi mumkin, shuning uchun oʻzingiz bilan repellentlarni olib kelganingiz ma’qul.

Archazor: qaragʻayzor va Chimyon manzarali togʻ hordigʻi

• 
• 
• 
• 

Qanday yetib boriladi: Toshkentdan Chimyon tomon taksida yoki shaxsiy avtomobilda.

Shahardan tashqarida hammom va goʻzal manzarali nonushta bilan dam olish uchun Archazor togʻ kurorti ayni muddao. U Chimyon etagida, qaragʻaylar orasida joylashgan. Xonada yoki kottejda toʻxtash mumkin. Nonushta kiritilgan ikki kishilik xona narxi 1 million 900 ming soʻmdan boshlanadi.

Hududda ochiq va yopiq basseynlar, sauna, hammom, bolalar oʻyin maydonchasi hamda kinoteatr faoliyat yuritadi.

Layner: Chorvoq yaqinidagi oilaviy kurort

Qanday yetib boriladi: Toshkentdan Chorvoq va Chimyon tomon taksi yoki shaxsiy avtomobilda.

Majmua oilaviy dam olish uchun juda mos: bu yerda kichik yoshdagi bolalar bilan qulay hordiq chiqarish uchun barcha sharoitlar yaratilgan. Hududda har kuni rasm chizishdan tortib yogagacha boʻlgan turli mahorat darslari oʻtkaziladi. Maskanning oʻzi togʻ bagʻrida, Chorvoq suv ombori va Chimyon oraligʻida joylashgan. Hududi keng: 100 ta xonadan iborat majmua, ayvonli (terrasali) restoran, uchta basseyn (shu jumladan, bolalar akvaparki), futbol maydoni, tennis korti, sirgʻanchiq, kinoteatr hamda oʻq otish tiri mavjud. Ikki kishilik xona narxi 2 million 600 ming soʻmdan boshlanadi. Uch kecha yoki uchta xona band qilinganda 10% chegirma taqdim etiladi.

Kuzda Toshkentdan qayerga borish mumkin? Qisqacha xulosalar

Bayram va dam olish kunlarida ommabop dam olish maskanlari tezda toʻlib qoladi, shuning uchun xonalarni oldindan band qilish va narxlarni aniqlashtirish tavsiya etiladi. Agar istasangiz:

• kam xarajat qilish uchun — Soʻqoq toʻgʻri keladi. Bu toʻplamning eng hamyonbop varianti: qoʻriqxona hududiga kirish 20 ming soʻmdan oshmaydi, oʻrmonda piknik qilish uchun esa oʻzingiz bilan tamaddi olib, bir kunga kelishingiz mumkin;
• chiroyli manzaralar uchun — Chinorkentni tanlagan ma’qul: togʻlar va daryo manzarali osma yoʻl, alp tepaligi va quyosh botishidagi tasvirga olishlar;
• basseynda choʻmilish va katta jamoa bilan dam olish uchun — Usmon Ota yoki Oqtoshdagi togʻ majmualari mos keladi. Usmon Otada ikkita basseyn, shiyponlar va olti kishilik kottej bor, Oqtoshda esa — Heaven’s Garden kabi basseynli mehmonxonalar mavjud;
• romantik kichik ta’til uchun — Archazorni tanlang. Qaragʻayzor, Chimyon etaklaridagi salqin havo, sauna, hammom va yopiq basseyn ikki kishilik sayohat uchun ayni muddao boʻladi.

Kuzda oʻzingiz bilan nimalarni olish kerak?

• Issiq kiyimlar va fonarik: togʻlarda kechqurun Toshkentdagidan koʻra salqinroq boʻladi, soat 19:00 larda esa qorongʻi tusha boshlaydi — shamol oʻtkazmaydigan kurtka va chiroqcha hatto bir kunlik safarda ham asqotadi;
• Naqd pul: shahar tashqarisidagi dam olish maskanlari va choyxonalarda kartalar hamma joyda ham qabul qilinavermaydi, shu sababli mablagʻning bir qismini oldindan bankomatdan yechib olgan ma’qul;
• Oflayn-xaritalar: daralarda aloqa uzilishlar bilan ishlaydi — navigatsiya xaritalarini telefoningizga oldindan yuklab olganingiz ma’qul;
• Repellentlar: suv boʻyida va baliq ovi paytida hasharotlarga qarshi vositalar asqotadi;
• Qulay poyabzal: hayking va togʻ soʻqmoqlari boʻylab sayr qilish uchun qalin protektorli krossovkalarni tanlagan ma’qul.