Aviasales.uz tahlili: O‘zbekiston, Qozog‘iston, Qirg‘iziston va Tojikistonga qanday parvoz qilishlarini taqqoslaymiz
Natijalar: 2025-yilda kim va qayerga uchdi.
Sayohat xarajatlarini tahlil qilish va o‘tgan yili Markaziy Osiyo aholisi qanday sayohat qilganini bilish vaqti keldi. Biz “Yo‘lovchi”da O‘zbekiston, Qozog‘iston, Qirg‘iziston va Tojikistondagi sayohat odatlarini tahlil qilib, qaysi mamlakat aholisi eng oson uchayotganini va kimlar maksimal qulaylik bilan uchishga odatlanganini aniqladik.
Chiptalarni qayerdan sotib olish afzalroq?
Qo‘shnilar bizga havas qilishlari mumkin: O‘zbekiston 2025-yilda mintaqadagi eng arzon bozorga aylandi. Mamlakatimizdan chipta narxi o‘rtacha 315 dollarni tashkil etadi. Taqqoslash uchun: Qirg‘iziston aholisi o‘rtacha — 330 dollar, Tojikiston aholisi — 372 dollar sarflaydi, eng qimmat parvozlar qozog‘istonliklarga — 431 dollarga tushadi. Taqqoslaydigan bo‘lsak, Qozog‘istondan chipta narxi O‘zbekistondan 37 foizga qimmatroq.
Bir xil yo‘nalishlardagi narxlar farqi ham sezilarli darajada:
- Rossiya: Toshkentdan — 243 dollar, Qirg‘izistondan — 316 dollar, Qozog‘istondan — 344 dollar, Tojikistondan — 429 dollar.
- BAA: Toshkentdan — 294 dollar, Qirg‘izistondan — 323 dollar, Tojikistondan — 361 dollar, Qozog‘istondan — 409 dollar. O‘zbekiston va Qozog‘iston o‘rtasidagi farq deyarli 28 foizga yetadi.
- Turkiya: Toshkentdan — 361 dollar, Qozog‘istondan — 375 dollar, Tojikistondan — 494 dollar, Qirg‘izistondan — 504 dollar.
- Xitoy: Toshkentdan — 530 dollar, Tojikistondan — 445 dollar, Qozog‘istondan — 719 dollar.
O‘zbekistondan hatto uzoq xorijga uchish ham arzonroq: Germaniyaga chipta o‘rtacha 460 dollar, Janubiy Koreyaga — 434 dollar, Saudiya Arabistoniga — 804 dollarga tushadi.
Ko‘pincha qayerga uchishdi?
2025-yilda sayohat geografiyasi xilma-xil bo‘ldi. Mashhur Rossiya, Turkiya va BAA yo’nalishlaridan tashqari, vatandoshlarimiz Germaniya, Saudiya Arabistoni va... Tojikistonga ko‘proq uchishgan. Ammo qo‘shnilarimizning biznikidan farq qiladigan tanlovlari bor edi:
- Qozog‘istonliklar ko‘pincha Xitoy, Tailand va Ozarbayjonni tanlashgan.
- Qirg‘izistonliklar Germaniya, Xitoy va Gruziyaga uchishgan.
- Tojikistonliklar Xitoy, Latviya va Buyuk Britaniyani tanlashdi.
Kimlar ta’tilni bir oy oldin rejalashtiradi-yu, kimlar oxirgi lahzada aeroportga yuguradi?
O‘zbekistonliklar, qirg‘izistonliklar va tojikistonliklar Markaziy Osiyodagi eng spontan (rejalarsiz, birdaniga yo’lga chiquvchi) insonlar bo’lishdi. Ular chiptalarni sayohatga yaqinroq — taxminan 12 kun oldin sotib olishadi. Qozog‘istonliklar esa eng ehtiyotkor bo’lib, ular sayohatni 23 kun oldin rejalashtirishadi.
Qirg‘iziston aholisi xorijda eng ko‘p vaqt o‘tkazadi — o‘rtacha sakkiz kun. O‘zbekistonliklar va qozog‘istonliklar yetti kun dam oladi, Tojikistondan kelgan yo‘lovchilarning eng qisqa safarlari esa taxminan olti kun davom etadi.
Qaysi mamlakatlarda biznes-klass uchun pulni ayashmaydi?
Ko‘pincha Qozog‘iston aholisi qulaylikni afzal ko‘radi — ular qo‘shnilariga qaraganda 20% ko‘proq biznes-klassni tanlashdi. Yetakchi yo‘nalishlar: AQSh, Xitoy va Maldiv orollari. Qirg‘iziston aholisi ko’pincha AQSh va Qozog‘istonga reyslarda biznes-klassni tanlashadi. Tojikistonda biznes-klassdan juda kam foydalanilib, asosan Turkiya va BAA yo‘nalishlarida afzal ko’riladi.
O‘zbekistonliklarning biznes-klassga bo‘lgan qiziqishi ko‘pincha Xitoy, Hindiston, Tailand, Singapur, AQSh, Yaponiya va Italiyaga parvozlarda namoyon bo‘ldi.
Markaziy Osiyoda bolalar bilan qanday sayohat qilishadi?
Bolalar bilan eng ko‘p sayohat Tojikistonda qayd etilgan — taxminan 9%. Biroq, bu ko‘pincha turizm bilan emas, balki ish bilan bog‘liq: masalan, Rossiyaga parvozlarda bolalari bilan olingan chiptalar ulushi 10-12% ga yetadi. Bu ko‘pincha bir tomonlama chiptalar bo’lgan.
Turistik maqsadlarda bolalar bilan Qozog‘iston (barcha sayohatlarning 6,9 foizi) va Qirg‘izistondan (6,2 foizi) ko‘proq uchishadi. O‘zbekistonda bu ko‘rsatkich 4,7 foizni tashkil etadi.
Ommabop oilaviy yo‘nalishlar:
- O‘zbekistondan: Misr, Qirg‘iziston, Malayziya, BAA va Turkiya.
- Qozog‘istondan: Misr, Vyetnam, BAA, Ozarbayjon va Turkiya.
- Qirg‘izistondan: Misr, BAA, Turkiya va O‘zbekiston.
Ota-onalar bilan qanday sayohat qilish haqida esa yo‘riqnomamizda aytib o‘tgandik.
Natijalar haqida qisqacha
Eng arzon parvozlar O‘zbekistondan, eng qimmatlari esa Qozog‘istondan ekan.
Tojikistonliklar va qirg‘izistonliklar eng spontan sayohatchilardir.
Biznes-klass ko’pincha Qozog‘istonda ommabop, Tojikistonda esa eng kam tanlanadi.
Bolalar bilan Tojikiston (ish yuzasidan) va Qozog‘iston (dam olish uchun) aholisi ko‘proq uchadi.
Ma’lumotlar shuni tasdiqlaydiki, O‘zbekistondan chet elga uchish eng arzoni (mamlakat ichidagi parvozlar haqida bunday deya olmaymiz). Agar sayohatga kamroq pul sarflashni istasangiz, unda arzon aviachiptalarni qanday sotib olish haqidagi materialimizni o‘rganib chiqishingiz mumkin. Maqolada tejamkorlikning sinalgan usullari jamlangan.
