Qanday qilib arzon aviachiptalarni sotib olish mumkin? Aviasales.uz`dan layfxaklar
Ushbu maqolani o‘qiganingizdan so‘ng hayotingiz butunlay o‘zgaradi.
Sayohat doim ham qimmat bo‘lavermaydi. Asosiysi, chiptalarni qachon, qayerdan va qanday qidirishni bilish. Biz, Aviasales.uz jamoasi, millionlab so‘rovlarni tahlil qilib, siz arzon aviachiptalarni xarid qila olishingiz uchun eng muhim ma’lumotlarni to‘pladik.
Aviasales.uz xizmatlari yordamida qanday qilib pul tejash mumkin?
Saralanganlar. Chiptalar ba’zan kutilmaganda arzonlashadi, ammo buni doim kuzatib turish mushkul. Kerakli chiptani Saralanganlarga qo‘shing — narx o‘zgarishi bilanoq xabarnoma olasiz.
Xabarnoma. Haftada bir marta anomal chegirmalar va qiziqarli yoʻnalishlar jamlangan shaxsiy chiptalar toʻplamini yuboramiz.
Qaynoq chiptalar. Sizga kerak paytda doimo tayyor turishi uchun o‘ta arzon chiptalarni muntazam kuzatib, to‘plab boramiz.
Past narxlar xaritasi. Qachon uchishingiz aniq, ammoq qayerga uchishga ikkilanyapsizmi? Xaritadan foydalaning va kerakli vaqtda arzon variantlarni toping.
Ijtimoiy tarmoqlar. Chegirmalar va yangi travel-yangiliklar haqida birinchilardan bo‘lib xabardor bo‘lishni istasangiz, ijtimoiy tarmoqlardagi sahifamizga tashrif buyuring. Eng tezkor e’lonlar telegram kanalimizda: u yerga barcha ma’lumotlar birinchi navbatda joylashtiriladi.
Kliklar soni chipta narxiga ta’sir qilishi rostmi?
Ko‘pchilik hafta kuni, kunning ma’lum vaqti yoki chipta qidirayotgan qurilmangiz chipta narxiga ta’sir qiladi deb o‘ylaydi. Ammo bu omillar aviachiptalar narxining shakllanishida hech qanday rol o‘ynamaydi. Shuningdek, narx qidiruvlaringiz yoki kliklaringiz soniga qarab ham o‘zgarmaydi. Hatto Toshkent—Istanbul reysining narxini bir sana uchun bir necha marta tekshirsangiz ham, narx o‘sha-o‘sha qoladi — albatta, agar arzon chiptalar birinchi bo‘lib sotib olinmagan bo‘lsa.
Hayratlanarli tomoni shundaki, ba’zida chiptalar narxi parvoz sanasi yaqinlashganda pasayishi mumkin. Bunga mavsum, valyuta kursi yoki yangi reyslarning qo‘shilishi ta’sir qilishi mumkin. Umuman olganda, aviachiptalar narxi doimo mavsumga, talabga va yo‘nalishga bog‘liq bo‘ladi.
Chiptalarni qachon sotib olgan ma’qul?
Bu qayerga va qachon uchishingizga bog‘liq. Biz bir necha yillik ma’lumotlarni tahlil qilib, aviachiptalarni qachon sotib olish ma’qul ekanini aniqladik.
Agar yozda uchmoqchi bo‘lsangiz
O‘zbekiston bo‘ylab — parvozdan kamida bir oy oldin sotib olgan ma’qul. Yaxshisi, 1-2 oy oldin, ayniqsa sayohat ta’til yoki bayram kunlariga to‘g‘ri kelsa. Xorijga esa sayohatdan kamida 1-2 oy oldin.
Turli yo‘nalishlar bo‘yicha:
yozgi ta’tilda Turkiyaga — 35-50 kun oldin. Shunda 20% gacha pul tejash mumkin bo‘ladi;
Xitoyga — 20-30 kun oldin;
Janubi-Sharqiy Osiyoga — 15-40 kun oldin. Eng yaxshi narxlar odatda sayohatdan taxminan bir oy oldin topiladi;
Ozarbayjonga — 25-40 kun oldin.
Agar kuzda uchmoqchi bo‘lsangiz
O‘zbekiston bo‘ylab — parvozdan kamida bir oy oldin. Yaxshisi, 1-2 oy oldin sotib olgan ma’qul.
Chet elga — qancha erta bo‘lsa, shuncha yaxshi: sayohatdan 2-3 oy oldin olgan yaxshiroq.
Qishda uchmoqchi bo‘lsangiz
O‘zbekiston bo‘ylab — parvozdan kamida bir oy oldin sotib olganingiz yaxshi. Undanam yaxshisi, 1-2 oy oldin, ayniqsa sayohat bayram kunlariga to‘g‘ri kelsa.
Chet elga — sayohatdan 1-1,5 oy oldin.
Agar bahorda uchmoqchi bo‘lsangiz
O‘zbekiston bo‘ylab — parvozdan kamida bir oy oldin sotib olgan ma’qul. Eng yaxshisi, 1-2 oy oldin.
Chet elga — sayohatdan 2 oy oldin olgan yaxshi.
Odatda eng arzon narxlar parvozdan 30 kun oldin paydo bo‘ladi, lekin avvalroq sotib olgan ham ma’qul. Asosiysi, masalani so‘nggi haftalarga qoldirmang: safarga oz qolganda chiptalar qimmatlashadi.
Chet elga faqat Toshkentdan uchish shartmi?
Uchish yoki qo‘nish uchun ma’lum bir aeroportni tanlash bilan cheklanmasangiz, sayohatlarda ancha tejashingiz mumkin. Masalan, Istanbulga Nukus, Farg‘ona, Samarqand, Buxoro va Urganchdan to‘g‘ridan-to‘g‘ri reyslar mavjud bo‘lib, hududlardan bevosita uchish ko‘pincha Toshkent orqali uchishdan arzonroq.
Misol uchun, Toshkent-Izmir chiptasi 3,17 million so‘mni tashkil etadi.
Xuddi shu kunga Samarqanddan chipta esa atigi 1,65 million so‘mga tushadi.
Yevropaga arzon narxda qanday uchish mumkin?
Agar ko‘plab aviakompaniyalar qatnaydigan to‘g‘ri aeroport-xablarni tanlasangiz, almashishli parvozlar foydali bo‘lishi mumkin. Masalan, Yevropaga uchmoqchi bo‘lsangiz, 80 dan ortiq aviakompaniya qatnaydigan (Toshkent aeroportiga qaraganda taxminan ikki baravar ko‘p) Istanbul xalqaro aeroporti orqali uchishingiz mumkin. Agar Osiyoga uchishingiz kerak bo‘lsa, yaxshi variant — BAA, masalan, Dubay yoki Abu-Dabi orqali almashish.
Bagajli chipta sotib olishdan ma’no bormi?
Yo‘q, agar qisqa muddatli sayohatga chiqayotgan bo‘lsangiz va safar davomida ko‘p xarid qilishni rejalashtirmayotgan bo‘lsangiz. Ammo ochig‘ini aytganda: Dubayda 10 kun davomida 5 kg qo‘l yukining o‘zi sizga yetishiga ishonchingiz komilmi?
Deyarli barcha aviakompaniyalar bagajni alohida sotib olishga ruxsat beradi, ammo bu qimmatroqqa tushadi. Bizning ma’lumotlarimizga ko‘ra, agar bagajni chipta sotib olishda darhol rasmiylashtirsangiz, bu uni keyinroq qo‘shish yoki aeroportda to‘lashga qaraganda o‘rtacha 29 foiz arzonroq bo‘ladi. Qo‘shimcha afzalligi —tashvish va kutilmagan xarajatlar kamroq bo‘ladi.
Va, albatta, sayohatlaringiz unutilmas va noxush hodisalarsiz o‘tishi uchun bizning qo‘llanmalar, hikoyalar va to‘plamlarimizni o‘qing!
