2026-yilda o‘zbekistonliklar Hindistonga vizani qanday olsa bo‘ladi?
Portalda nimalarni to‘ldirish kerak, yig‘im qancha turadi va e-Arrival Card nima uchun zarur?
O‘zbekiston fuqarolariga safar maqsadidan qat’i nazar Hindistonga kirish uchun viza doim kerak: mamlakatga kelgach, pasportga muhr qo‘yilmaydi. Biroq aksariyat hollarda konsullikka borish talab etilmaydi — sayyohlik, biznes, tibbiy, o‘quv va tranzit vizalari onlayn rasmiylashtiriladi. Nimalarni to‘ldirish, qancha to‘lash va hujjatlarni qachon topshirish kerakligini ko‘rib chiqamiz.
- O‘zbekiston fuqarolariga Hindistonga viza kerakmi?
- Vizaning turlari
- E-Visani qanday mustaqil olish mumkin?
- Qanday hujjatlar kerak?
- Qancha turadi?
- Qancha vaqtda rasmiylashtiriladi?
- Qancha muddat amal qiladi?
- Tranzit parvozda viza kerakmi?
- Vizani nima uchun rad etilishi mumkin?
- Tez-tez beriladigan savollar (FAQ)
- Hindiston vizasiga ariza topshirishdan oldin sayohatchilarga maslahatlar
O‘zbekiston fuqarolariga Hindistonga viza kerakmi?
Ha, O‘zbekiston fuqarolaridan safar maqsadidan qat’i nazar Hindistonga kirish uchun viza talab etiladi. Agar oldindan viza olmagan bo‘lsangiz, mamlakatga kelgach, pasportingizga kirish muhri qo‘yilishi orqali viza rasmiylashtira olmaysiz.
Aksariyat sayyohlik, ishbilarmonlik va o‘quv safarlari uchun konsullikka borish shart emas. Deyarli barcha amallar rasmiy immigratsiya portalida internet orqali bajariladi. Faqat ayrim kam uchraydigan holatlardagina (masalan, ish vizasini, jurnalist vizasini rasmiylashtirishda yoki cheklovlar mavjud bo‘lganda) hujjatlarni konsullik bo‘limi orqali topshirishga to‘g‘ri keladi.
Hindiston vizasining turlari
Safaringiz maqsadi va mamlakatda qancha vaqt bo‘lishingizga qarab, Hindiston migratsiya tizimi bir nechta turdagi vizalarni taklif qiladi.
Hindistonga elektron viza (e-Visa)
Rasmiylashtirish jarayoni to‘liq onlayn tarzda, Indian e-Visa rasmiy portalida amalga oshiriladi. Vizaning bir nechta turi mavjud:
Viza turi | Shartlar va muddatlari |
|---|---|
Turistik (e-Tourist Visa) | Viza 30 kunga, bir yilga yoki besh yilga rasmiylashtiriladi. O‘ttiz kunlik viza bilan mamlakatga ikki marta kirish mumkin va uning amal qilish muddati Hindistonga ilk bor kelgan kundan boshlab hisoblanadi. Bir yillik va besh yillik vizalar esa ko‘p martalik bo‘lib, ularning amal qilish muddati ETA berilgan sanadan boshlanadi va bir taqvim yili davomida mamlakatda jami 180 kungacha qolishga ruxsat etiladi. |
Biznes (e-Business Visa) | Ishbilarmonlik uchrashuvlari, ko‘rgazmalarda qatnashish, hamkorlar izlash va muzokaralar olib borish uchun mo‘ljallangan. U bir yilga beriladi va bir safar davomida mamlakatda 180 kungacha qolish mumkin. Agar uzoqroq muddatga qolishni rejalashtirsangiz, FRRO (xorijliklarni ro‘yxatga olish idorasi)da ro‘yxatdan o‘tishingiz kerak bo‘ladi. Anjumanlar uchun alohida e-B5 toifasi mavjud bo‘lib, u mamlakatga kelgan kundan boshlab 30 kunga amal qiladi. Buning uchun tashkilotchining taklifnomasi va Hindiston Tashqi ishlar vazirligining siyosiy ruxsatnomasi talab etiladi. |
Tibbiy (e-Medical Visa) va hamrohlik qiluvchi shaxs uchun (e-Medical Attendant Visa) | Hindistonning sertifikatlangan klinikalarida davolanish uchun mo‘ljallangan. Uning amal qilish muddati 60 kunni tashkil etadi va u bilan mamlakatga uch martagacha kirish mumkin. |
Talaba (e-Student Visa) | Rasman tan olingan ta’lim muassasalarida o‘qish uchun 365 kunga beriladi va u bilan mamlakatga ko‘p marta kirib-chiqish mumkin. |
Tranzit (e-Transit Visa) | Ruxsatnoma berilgan kundan boshlab 30 kun amal qiladi. Agar siz Hindiston aeroportida boshqa reysga o‘tadigan bo‘lsangiz va bu jarayonda tranzit hududidan chiqsangiz, terminalni o‘zgartirsangiz yoki yukingizni o‘zingiz olib, keyingi reysga topshirsangiz, u mamlakatga ko‘p marta kirish huquqini beradi. |
Viza turi | Shartlar va muddatlari |
|---|---|
Turistik (e-Tourist Visa) | Viza 30 kunga, bir yilga yoki besh yilga rasmiylashtiriladi. O‘ttiz kunlik viza bilan mamlakatga ikki marta kirish mumkin va uning amal qilish muddati Hindistonga ilk bor kelgan kundan boshlab hisoblanadi. Bir yillik va besh yillik vizalar esa ko‘p martalik bo‘lib, ularning amal qilish muddati ETA berilgan sanadan boshlanadi va bir taqvim yili davomida mamlakatda jami 180 kungacha qolishga ruxsat etiladi. |
Biznes (e-Business Visa) | Ishbilarmonlik uchrashuvlari, ko‘rgazmalarda qatnashish, hamkorlar izlash va muzokaralar olib borish uchun mo‘ljallangan. U bir yilga beriladi va bir safar davomida mamlakatda 180 kungacha qolish mumkin. Agar uzoqroq muddatga qolishni rejalashtirsangiz, FRRO (xorijliklarni ro‘yxatga olish idorasi)da ro‘yxatdan o‘tishingiz kerak bo‘ladi. Anjumanlar uchun alohida e-B5 toifasi mavjud bo‘lib, u mamlakatga kelgan kundan boshlab 30 kunga amal qiladi. Buning uchun tashkilotchining taklifnomasi va Hindiston Tashqi ishlar vazirligining siyosiy ruxsatnomasi talab etiladi. |
Tibbiy (e-Medical Visa) va hamrohlik qiluvchi shaxs uchun (e-Medical Attendant Visa) | Hindistonning sertifikatlangan klinikalarida davolanish uchun mo‘ljallangan. Uning amal qilish muddati 60 kunni tashkil etadi va u bilan mamlakatga uch martagacha kirish mumkin. |
Talaba (e-Student Visa) | Rasman tan olingan ta’lim muassasalarida o‘qish uchun 365 kunga beriladi va u bilan mamlakatga ko‘p marta kirib-chiqish mumkin. |
Tranzit (e-Transit Visa) | Ruxsatnoma berilgan kundan boshlab 30 kun amal qiladi. Agar siz Hindiston aeroportida boshqa reysga o‘tadigan bo‘lsangiz va bu jarayonda tranzit hududidan chiqsangiz, terminalni o‘zgartirsangiz yoki yukingizni o‘zingiz olib, keyingi reysga topshirsangiz, u mamlakatga ko‘p marta kirish huquqini beradi. |
Qog‘oz viza (Regular/Paper Visa)
Bu xorijga chiqish pasportiga stiker ko‘rinishida rasmiylashtiriladigan viza. Agar siz ishlashni, jurnalistika bilan shug‘ullanishni yoki mamlakatda uzoq vaqt yashashni rejalashtirayotgan bo‘lsangiz, bunday viza kerak bo‘ladi. Shuningdek, elektron ariza rad etilganda yoki maxsus maqomga ega bo‘lganda (masalan, armiyada xizmat qilganlik), qog‘oz viza rasmiylashtiriladi.
Majburiy elektron kelish kartasi (e-Arrival Card)
2026-yil 1-apreldan boshlab xorijliklar Hindistonga kirish uchun elektron kelish kartasini (e-Arrival Card) to‘ldirishlari shart. Shaklni parvozdan oldingi 72 soat ichida to‘ldiring va pasport nazoratida ko‘rsatish uchun QR-kodni saqlab qo‘ying.
Hindistonga e-Visani qanday mustaqil olish mumkin?
Ariza Hindiston hukumati veb-saytida onlayn tarzda topshiriladi. Sayt ingliz tilida, barcha ma’lumotlar esa xuddi xorijga chiqish pasportidagi kabi lotin alifbosida to‘ldiriladi. Jarayon bosqichma-bosqich quyidagicha kechadi:
1. Viza turini tanlang
Bosh ekranda “e-Visa Application” tugmasini bosing, so‘ng viza turini va arizada so‘raladigan tegishli ma’lumotlarni tanlang.
2. Anketani to‘ldiring
Shaxsiy ma’lumotlaringiz, ota-onangiz haqidagi ma’lumotlar, oilaviy ahvolingiz, ish joyingiz, O‘zbekistondagi yashash manzilingiz va Hindistondagi mehmonxona yoki boshqa turar joy manzili va aloqa ma’lumotlarini kiriting. Ariza raqamini (Temporary Application ID) saqlab qo‘ying — agar internet uzilib qolsa, anketani to‘ldirishda davom etish uchun u sizga kerak bo‘ladi.
3. Hujjatlarni yuklang
Xorijga chiqish pasportining birinchi sahifasi skanerini PDF formatida va kvadrat shakldagi raqamli fotosuratni JPEG formatida yuklang.
4. Yig‘imni to‘lang
Yig‘im Visa, MasterCard, Maestro kartalari yoki PayPal orqali to‘lanadi.
5. Vizani oling
Ariza ma’qullangach, elektron pochtangizga uning “Granted” (“ma’qullangan”) maqomida ekanini tasdiqlovchi hujjat keladi. Ushbu ruxsatnomani (ETA — Electronic Travel Authorization) chop etib, samolyotga chiqishda o‘zingiz bilan oling.
Hindiston vizasini olish uchun qanday hujjatlar kerak?
Hujjatlar to‘plami tanlangan viza turiga bog‘liq. Quyida turistik (elektron viza) va tranzit vizasi uchun ariza topshirishda kerak bo‘ladigan hujjatlar ro‘yxati keltirilgan.
Viza turi | Hujjat | Talablar |
|---|---|---|
Elektron (e-Visa) | Xorijga chiqish pasporti | Ariza topshirilgan paytda pasportning amal qilish muddati kamida olti oy bo‘lishi kerak. Kirish va chiqish belgilari uchun kamida ikkita bo‘sh sahifasi bo‘lishi lozim. PDF fayl hajmi 10–300 KB bo‘lishi kerak. |
Raqamli fotosurat | Oq tekis fonda olingan kvadrat shakldagi fotosurat (JPEG formatida, hajmi 10 KB dan 1 MB gacha, yuz to‘g‘riga qaratilgan, ko‘zoynaksiz hamda kepka yoki qalpoqsiz bo‘lishi kerak; bosh ro‘moliga ruxsat etiladi). | |
Qaytish yoki keyingi yo‘nalish uchun chipta — Hindistonga safar qilishda talab etiladi. (Mamlakatda bo‘lish uchun yetarli mablag‘ mavjudligini tasdiqlash ham talab qilinishi mumkin) | Mamlakatga kirish uchun majburiy shart. Hujjatlar immigratsiya nazoratida tekshiriladi. | |
Maxsus taklifnomalar | Tibbiy viza uchun — Hindiston shifoxonasidan xat; ishbilarmonlik vizasi uchun — tashkilotdan taklifnoma va tashrif qog‘ozi. | |
Qog‘oz (Regular/Paper) | Xorijga chiqish pasporti | Amal qilish muddati olti oydan kam bo‘lmagan hujjatning asli. |
Chop etilgan anketa | Onlayn to‘ldirilib, ariza beruvchi tomonidan shaxsan imzolangan anketa. | |
Fotosuratlar | Och fonda tushirilgan 51×51 mm o‘lchamdagi ikkita rangli fotosurat. | |
STIR (INN) | Soliq to‘lovchining identifikatsiya raqami (JSHSHIR taqdim etish mumkin). | |
O‘zbekiston pasporti yoki ID-karta | Shaxsiy ma’lumotlar va amaldagi yashash joyi bo‘yicha ro‘yxatga olinganlik haqidagi sahifalarning nusxalari. | |
Bank hujjatlari | So‘nggi uch oy mobaynidagi pul mablag‘lari harakati aks etgan bank hisobvarag‘idan ko‘chirma. | |
Qo‘shimcha hujjatlar | Konsullik bo‘limi hisobvaraqdan ko‘chirma yoki boshqa hujjatlarni talab qilishga haqli — hujjatlar tarkibi viza turiga bog‘liq bo‘ladi. | |
Tranzit | Xorijga chiqish pasporti | Hujjat topshirilayotgan vaqtda kamida olti oy amal qilishi kerak. |
Aviachiptalar | Belgilangan uchinchi mamlakatga tasdiqlangan chiptalar. | |
Boriladigan mamlakatga kirish hujjatlari | Bormoqchi bo‘lgan mamlakatga kirish vizasi/ruxsatnomasi (yoki ikki fuqarolikka ega shaxslar uchun tegishli mamlakat pasporti) |
Elektron (e-Visa)
Hujjat
Xorijga chiqish pasporti
Talablar
Ariza topshirilgan paytda pasportning amal qilish muddati kamida olti oy bo‘lishi kerak. Kirish va chiqish belgilari uchun kamida ikkita bo‘sh sahifasi bo‘lishi lozim. PDF fayl hajmi 10–300 KB bo‘lishi kerak.
Hujjat
Raqamli fotosurat
Talablar
Oq tekis fonda olingan kvadrat shakldagi fotosurat (JPEG formatida, hajmi 10 KB dan 1 MB gacha, yuz to‘g‘riga qaratilgan, ko‘zoynaksiz hamda kepka yoki qalpoqsiz bo‘lishi kerak; bosh ro‘moliga ruxsat etiladi).
Hujjat
Qaytish yoki keyingi yo‘nalish uchun chipta — Hindistonga safar qilishda talab etiladi. (Mamlakatda bo‘lish uchun yetarli mablag‘ mavjudligini tasdiqlash ham talab qilinishi mumkin)
Talablar
Mamlakatga kirish uchun majburiy shart. Hujjatlar immigratsiya nazoratida tekshiriladi.
Hujjat
Maxsus taklifnomalar
Talablar
Tibbiy viza uchun — Hindiston shifoxonasidan xat; ishbilarmonlik vizasi uchun — tashkilotdan taklifnoma va tashrif qog‘ozi.
Qog‘oz (Regular/Paper)
Hujjat
Xorijga chiqish pasporti
Talablar
Amal qilish muddati olti oydan kam bo‘lmagan hujjatning asli.
Hujjat
Chop etilgan anketa
Talablar
Onlayn to‘ldirilib, ariza beruvchi tomonidan shaxsan imzolangan anketa.
Hujjat
Fotosuratlar
Talablar
Och fonda tushirilgan 51×51 mm o‘lchamdagi ikkita rangli fotosurat.
Hujjat
STIR (INN)
Talablar
Soliq to‘lovchining identifikatsiya raqami (JSHSHIR taqdim etish mumkin).
Hujjat
O‘zbekiston pasporti yoki ID-karta
Talablar
Shaxsiy ma’lumotlar va amaldagi yashash joyi bo‘yicha ro‘yxatga olinganlik haqidagi sahifalarning nusxalari.
Hujjat
Bank hujjatlari
Talablar
So‘nggi uch oy mobaynidagi pul mablag‘lari harakati aks etgan bank hisobvarag‘idan ko‘chirma.
Hujjat
Qo‘shimcha hujjatlar
Talablar
Konsullik bo‘limi hisobvaraqdan ko‘chirma yoki boshqa hujjatlarni talab qilishga haqli — hujjatlar tarkibi viza turiga bog‘liq bo‘ladi.
Tranzit
Hujjat
Xorijga chiqish pasporti
Talablar
Hujjat topshirilayotgan vaqtda kamida olti oy amal qilishi kerak.
Hujjat
Aviachiptalar
Talablar
Belgilangan uchinchi mamlakatga tasdiqlangan chiptalar.
Hujjat
Boriladigan mamlakatga kirish hujjatlari
Talablar
Bormoqchi bo‘lgan mamlakatga kirish vizasi/ruxsatnomasi (yoki ikki fuqarolikka ega shaxslar uchun tegishli mamlakat pasporti)
Hindistonga viza qancha turadi?
Narx mavsumga, vizaning turi va amal qilish muddatiga bog‘liq. O‘zbekiston fuqarolari uchun elektron viza (e-Visa) narxlari:
- Yuqori mavsumda (iyuldan martgacha) 30 kunlik sayyohlik vizasi — 25 USD (taxminan 297 ming UZS);
- Past mavsumda (apreldan iyungacha) 30 kunlik sayyohlik vizasi — 10 USD (taxminan 119 ming UZS);
- Bir yillik sayyohlik vizasi — 40 USD (taxminan 475 ming UZS);
- Besh yillik sayyohlik vizasi — 200 USD (taxminan 2 mln UZS);
- Tibbiy viza — 80 USD (taxminan 950 ming UZS);
- Ishbilarmonlik vizasi — 120 USD (taxminan 1 mln UZS).
Viza yig‘imiga qo‘shimcha ravishda bank komissiyasi ham undiriladi: SBIePay orqali karta bilan to‘langanda 3% va PayPal orqali to‘langanda 4%.
Hindiston e-Vizasi qancha vaqtda rasmiylashtiriladi?
Elektron viza uchun ariza parvozdan kamida to‘rt kun oldin, lekin ko‘pi bilan 120 kun oldin topshiriladi. Arizani ko‘rib chiqishning kafolatlangan muddati yo‘q: odatda, qaror bir necha kunda elektron pochtaga keladi, lekin ishingizni oxirgi kunga qoldirmaganingiz ma’qul. Konsullik bo‘limi orqali qog‘oz vizani rasmiylashtirish uzoqroq davom etadi — u yerga oldinroq murojaat qilgan yaxshi.
Viza tayyorligini qanday bilish mumkin?
Arizaning joriy holatini portalning “Check your Visa Status” bo‘limida tekshirishingiz mumkin. Tekshiruv maydoniga arizaning identifikatsiya raqamini (Application ID) va xorijga chiqish pasporti raqamini kiritish kifoya.
Qaror qabul qilingandan so‘ng, holat “Granted”ga o‘zgaradi. Shundan keyin ushbu ETA hujjatining PDF-faylini yuklab oling.
Hindistonga viza qancha muddat amal qiladi?
Amal qilish muddatini hisoblash qoidalari olingan ruxsatnoma turiga bog‘liq:
- 30 kunlik e-Visa: uning amal qilish muddati Hindistonga birinchi marta kirilgan kundan boshlab hisoblanadi. Bu davr mobaynida mamlakatga ikki marta kirishga ruxsat beriladi;
- Bir yillik va besh yillik vizalar: ularning amal qilish muddati mamlakatga kelingan kundan emas, balki ETA berilgan sanadan boshlab hisoblanadi. Ushbu hujjatlar bilan Hindistonda bir kalendar yilida jami 180 kungacha bo‘lish mumkin;
- Tranzit e-Visa: ruxsatnoma berilgan kundan boshlab 30 kun davomida amal qiladi.
Hindiston orqali tranzit parvozda viza kerakmi?
Agar Hindistonda xalqaro tranzit hududidan chiqmasdan boshqa reysga o‘tsangiz, odatda Hindiston vizasi talab qilinmaydi. Bunday hollarda ro‘yxatdan o‘tgan bagaj avtomatik tarzda keyingi reysga o‘tkaziladi.
Quyidagi holatlarda Hindistonga kirish uchun tranzit vizasi talab qilinishi mumkin:
- ikki alohida chipta bo‘yicha uchayotgan bo‘lsangiz va bagajni olib, keyingi reysga qayta ro‘yxatdan o‘tish uchun Hindistonga kirish nazoratidan o‘tish zarur bo‘lsa;
- terminalni almashtirish uchun xalqaro tranzit zonasidan chiqish yoki Hindistonga kirish nazoratidan o‘tish talab qilinsa;
- reyslar orasidagi bo‘sh vaqtda shaharga chiqish rejalashtirilgan bo‘lsa.
Hindistonga tranzit vizasini qanday olish mumkin?
Tranzit e-Visa umumiy portalda onlayn tarzda rasmiylashtiriladi. Uni olishning asosiy sharti — Hindistonga kelish va undan keyingi yo‘nalish uchun tasdiqlangan aviachiptalarni, shuningdek, boriladigan mamlakatga kirish hujjatlarini (viza yoki elektron ruxsatnoma) taqdim etishdir.
Hindiston vizasi nima uchun rad etilishi mumkin?
Hindiston immigratsiya xizmati aksariyat arizalarni ma’qullasa-da, quyidagi sabablarga ko‘ra rad javobi berilishi mumkin:
- Kuch tuzilmalarida xizmat qilganlik: harbiylar, xavfsizlik yoki politsiya sohasida xizmat qilayotgan yoki ilgari xizmat qilgan shaxslar e-Visa olish huquqiga ega emas. Ular shaxsan elchixonaga murojaat qilishlari zarur;
- Pokiston bilan bog‘liqlik: agar arizachi Pokiston fuqarosi bo‘lsa yoki Pokiston kelib chiqishiga ega bo‘lsa, elektron viza berilmaydi. Bunday holda, hujjatlar faqat konsullikda shaxsan qabul qilinadi;
- Shaxsiy ma’lumotlardagi xatolar: anketani to‘ldirishda ism, familiya, pasport raqami yoki tug‘ilgan sanaga oid noto‘g‘ri ma’lumotlar;
- Fayllar sifatining pastligi: pasportning xira skanerlangan nusxasi yoki talabga javob bermaydigan (masalan, oq fonda bo‘lmagan, ko‘zoynakda yoki yuz to‘liq ko‘rinmaydigan) fotosurat;
- Ma’lumotlarning to‘liq emasligi: majburiy kataklar to‘ldirilmaganligi, ish joyi yoki yashash manzili haqidagi ma’lumotlarning yo‘qligi;
- O‘tmishdagi qoidabuzarliklar: oldingi safarlar paytida mamlakatda ruxsat etilgan bo‘lish muddatidan oshib ketish yoki deportatsiya qilinganlik.
E’tibor bering: e-Visa Hindistonning qo‘riqlanadigan va maxsus rejimli hududlariga (Protected/Restricted Areas, masalan, Sikkim shtati yoki Andaman orollarining ayrim tumanlariga) kirish huquqini bermaydi. Bu yerlarga sayohat qilish uchun alohida ruxsatnoma (PAP/RAP) olish talab qilinadi.
Tez-tez beriladigan savollar (FAQ)
Hindistonga borish uchun bolaga alohida viza kerakmi?
Ha, yoshidan qat’i nazar, har bir bolaga alohida kirish hujjati talab etiladi. Har bir bola uchun alohida pasport va alohida viza arizasi talab etiladi. Demak, bola uchun alohida viza arizasi topshiriladi va tegishli viza yig‘imi to‘lanadi.
Vizani uzaytirish mumkinmi?
Sayyohlik e-Visasi mamlakat ichida uzaytirilmaydi. Ruxsat etilgan muddat tugagach, Hindistondan chiqib ketish zarur. Istisnolar faqat favqulodda vaziyatlar yuzaga kelganda FRRO India veb-sayti orqali xorijliklarni ro‘yxatga olish mintaqaviy idoralari tomonidan amalga oshiriladi.
E-Visa bilan istalgan aeroportga uchib kelish mumkinmi?
E-Visa bilan mamlakatga faqat vakolatli immigratsiya nazorat punktlari orqali kirish mumkin. Ruxsat etilgan kirish punktlarining amaldagi ro‘yxati e-Visa portalining “Authorized Immigration Checkposts” bo‘limida e’lon qilingan — chipta xarid qilishdan oldin o‘z aeroportingizni tekshirib ko‘ring. Mamlakatdan esa istalgan rasmiy chegara punkti orqali chiqib ketish mumkin.
Goaga Hindiston e-Visasi bilan kirishga ruxsat beriladimi?
Ha, ruxsat beriladi. Ushbu hujjat bilan Goa shtatidagi Dabolim aeroporti (GOI) va Manohar xalqaro aeroporti (GOX) orqali Hindistonga kirish mumkin.
Sayohatdan necha kun oldin viza rasmiylashtirish bilan shug‘ullanish kerak?
Har qanday turdagi e-Visa (jumladan, 30 kunlik, bir yillik va besh yillik) uchun arizani rejalashtirilgan parvoz sanasidan 120 kun avvaldan to 4 kun qolgunga qadar topshirishga ruxsat etiladi.
Hindiston vizasiga ariza topshirishdan oldin sayohatchilarga maslahatlar
- Nusxalarini chop etib oling. Olingan ETA ruxsatnomasini ikki nusxada chop eting: biri Toshkentda reysga ro‘yxatdan o‘tishda, ikkinchisi esa yetib borganda chegara xizmati xodimlari uchun kerak bo‘ladi;
- E-Arrival Card’ni unutmang. Parvozdan 72 soat avvaldan to 24 soat qolgunga qadar kelish shaklini to‘ldiring va olingan QR-kodni saqlab qo‘ying;
- Muhr (kirish) sanasini tekshiring. Immigratsiya nazoratidan o‘tayotganda pasportingizdagi kirish ma’lumotlarini tekshirib oling;
- Biometriyaga tayyor turing. Elektron vizaga ega barcha sayyohlar mamlakatga kelgach, barmoq izlarini skanerdan o‘tkazadi va raqamli suratga tushadi;
- Aviakompaniya qoidalariga aniqlik kiriting. Parvozdan oldin aviakompaniya veb-saytidagi dolzarb ma’lumotlar bilan tanishib, sayohat hujjatlariga oid barcha talablarga rioya qilinganiga ishonch hosil qiling.
