Samolyot chiptasidagi xatolik: nima qilish kerak va ma’lumotlarni qanday oʻzgartirish mumkin?

Chiptadagi xatolar — yoqimsiz, ammo butunlay hal qilsa boʻladigan vaziyat. Ma’lumotlarni kiritishda ismda imlo xatosiga yoʻl qoʻyish, familiya va ismning oʻrnini almashtirib yuborish juda oson yoki yaqinda turmushga chiqqansiz-u, yangi familiyada ekanligingizni unutib qoʻygansiz. Sarosimaga tushmang, shunchaki aviakompaniyangiz qoidalarini tekshiring va zudlik bilan tuzatishlar kiriting. Buni qanday qilish va bu qanchaga tushishini koʻrib chiqamiz.

Chiptada xatolik boʻlsa, nima qilish kerak?

Aviabiletlar qatʼiy ravishda pasport maʼlumotlari boʻyicha rasmiylashtiriladi. Yoʻlovchining ismi va familiyasi doimo lotin alifbosida koʻrsatiladi va hatto bitta notoʻgʻri harf ham parvozga qoʻyilmaslikka sabab boʻlishi mumkin. Masalan, agar siz butun umr Sevara boʻlsangiz-u, pasportingizda — Sevarakhon boʻlsa, til xususiyatlari tufayli bir nechta harfni tushirib qoldirish juda oson. Gap shundaki, transliteratsiya qoidalariga koʻra: kirillchadagi “x” harfi uchun lotin yozuvida bitta muqobil harf yoʻq, shuning uchun u “kh” birikmasi bilan ifodalanadi. 

Agar biletni aviasales.uz orqali sotib olgan boʻlsangiz, onlayn-agentlikning yoki yoʻnalish kvitansiyasini rasmiylashtirgan aviakompaniyaning qoʻllab-quvvatlash xizmatiga murojaat qiling. Sotuvchining nomi har doim sizning email-tasdiqlashingizda koʻrsatilgan boʻladi.

Nimalar chiptadagi xatolik deb hisoblanadi?

Aviakompaniyalar koʻpincha, agar xato ismni butkul tanib boʻlmas darajada oʻzgartirmasa, yon bosishadi. Xalqaro amaliyotda rasmiy boʻlmagan qoida mavjud: agar xatolar familiya yoki ismning talaffuzi va maʼnosini buzib koʻrsatmasa, chiptada uchtagacha xatoga yoʻl qoʻyiladi. Biroq hamma uchun umumiy qonun mavjud emas — har bir tashuvchi yoʻlovchini bortga qoʻyish yoki rasmiy tuzatishni talab qilishni oʻzi hal qiladi. 

Mana, yana eng koʻp uchraydigan xatolar:

• Tofuzilishga ta’sir qilmaydigan imlo xatolari (masalan, «Yusupov» oʻrniga «Yusupof»);
• Ism va familiyaning oʻrni almashib qolishi;
• Tugʻilgan sana yoki pasport raqamidagi xatolar;
• Familiyaning oʻzgarganligi (masalan, nikoh, ajrim, farzandlikka olish yoki qiz qilib olish sababli), agar sizda buni tasdiqlovchi hujjatlar boʻlsa.

Lekin agar siz oʻz nomingizga rasmiylashtirilgan chiptani shunchaki yoʻlovchi maʼlumotlarini doʻstingizning maʼlumotlariga oʻzgartirib sovgʻa qilmoqchi boʻlsangiz, afsuski, bu ish bermaydi. Chiptani tarif shartlariga muvofiq qaytarish va yangisini sotib olishga toʻgʻri keladi.

Chiptaga qanday oʻzgartirishlar kiritish mumkin? Aviakompaniyalar shartlari

Har bir aviakompaniyaning oʻz qoidalari bor. Ma’lumotlarni toʻgʻridan-toʻgʻri aviatashuvchi orqali oʻzgartirish faqat chiptalarni ularning sayti yoki ilovasida sotib olgan boʻlsangizgina mumkin. Shunday ekan, har bir aviakompaniyaning shartlari quyidagicha: xatolar yoki pasport ma’lumotlarini oldindan — parvozga kamida uch ish kuni qolganda tuzatgan ma’qul.

Uzbekistan Airways 

Bu tashuvchining qoidalari qatʼiy. Oʻzgartirishlar kiritish uchun koll-markazga yoki Uzbekistan Airways Sales filiallariga murojaat qilish kerak (manzillar va kontaktlar uzairways.com saytida mavjud). Odatda, agar xato jiddiy boʻlmasa (uchta harfgacha) va ismning talaffuzini buzmasa, u kichik toʻlov evaziga tuzatiladi (quyidagi jadvalga qarang). Nikoh tuzilganligi sababli familiya oʻzgarganda, nikoh toʻgʻrisidagi guvohnomaning asl nusxasini albatta yoningizda saqlang.

Silk Avia 

Ushbu aviakompaniyada ma’lumotlarni oʻzgartirish masalalari rasmiy aviakassalar orqali hal qilinadi. Tashuvchi Oʻzbekiston boʻylab ichki reyslarni amalga oshirganligi sababli, barchasi tez rasmiylashtiriladi, biroq chiptaga oʻzgartirishlar kiritganlik uchun 3 EUR (taxminan 41 ming UZS) atrofida xizmat haqi soʻrashlari mumkin.

Qanot Sharq

Agar chiptada imlo xatosi aniqlansa, qanotsharq.com sayti orqali qoʻllab-quvvatlash xizmatiga yozish yoki koll-markazga murojaat qilish lozim. Unchalik katta boʻlmagan xatolarni (uchta harfgacha) odatda operatorlar orqali tuzatishadi, jiddiyroq tuzatishlar uchun esa taxminan oʻttiz yevro miqdorida yigʻim toʻlashga toʻgʻri keladi.

Centrum Air

Shaxsiy ma’lumotlarni tuzatish uchun centrum-air.com saytidagi qoʻllab-quvvatlash xizmati bilan bogʻlanish kerak. Tashuvchida notoʻgʻri koʻrsatilgan ism yoki familiya uchun yigirma dollar miqdorida jarima koʻzda tutilgan, shuning uchun ma’lumotlarni toʻlov amalga oshirilgunga qadar diqqat bilan tekshirgan ma’qul.

Oʻzgartirish shartlari:

Bir nechta muhim qoidalar:

• Agar imlo xatosi parvozdan oldin aniqlansa, oʻzgarishlarni oldindan kiritish odatda samolyotga chiqish oldidan koʻra arzonga tushadi;
• Chiptani onlayn-agentlik orqali sotib olayotganda, tuzatish kiritish uchun ushbu agentning qoʻllab-quvvatlash xizmatiga murojaat qilish kerak.

Xatoni oldindan tuzatmaslik nimaga olib keladi?

Aviatsiyaning umumiy qoidasi qatʼiy: familiyasi yoki ismi notoʻgʻri yozilgan yoʻlovchilar reysga qoʻyilmaydi. Biroq, aeroportda chamadon bilan turganida xatoni payqab qolganlar uchun bir nechta jihatlar mavjud: Oʻzbekiston ichidagi ichki reyslarda, agar faqat bitta ahamiyatsiz xatoga yoʻl qoʻyilgan boʻlsa, aeroport xodimlari baʼzan sizni reysga oʻtkazib yuborishlari mumkin. Ayrim aviakompaniyalar roʻyxatdan oʻtish peshtaxtasining oʻzida uchtagacha harfni toʻgʻrilashga ruxsat beradi, ammo bu qoʻshimcha toʻlov evaziga amalga oshiriladi.