Oʻzbekistonliklar uchun Kanadaga viza olish tartibi: 2026-yil uchun bosqichma-bosqich yoʻriqnoma
Dunyodagi hududi boʻyicha ikkinchi eng katta mamlakatga borish uchun viza rasmiylashtiramiz.
Niagara sharsharasini koʻrish, Alberta milliy bogʻlarida treking tashkil qilish yoki quymoq bilan chinor siropidan tatib koʻrish — sayohat uchun ajoyib reja. Ammo Kanada byurokratiyasi hatto tajribali sayohatchini ham chalkashtirib yuborishga qodir. Yaxshi yangilik shundaki, bir talay hujjat yigʻib, ularni idoraga olib borish shart emas, chunki butun jarayon allaqachon onlayn formatga oʻtkazilgan.
Ushbu maqolada viza xodimlari aynan qanday maʼlumotnomalarni talab qilishi, viza uchun qancha toʻlash kerakligi va u uchun biometrik maʼlumotlarni qayerda topshirish lozimligini koʻrib chiqamiz.
Oʻzbekiston fuqarolariga Kanadaga viza kerakmi?
Ha, Oʻzbekiston fuqarolariga Kanadaga kirish uchun visitor visa — ya’ni vaqtinchalik mehmon vizasi talab qilinadi. Va uni hatto Kanada orqali tranzit bilan uchayotgan boʻlsangiz ham rasmiylashtirishingiz kerak.
Kanadaga qanday viza turlari bor?
Hammasi sayohat maqsadiga bogʻliq.
Viza turi | Qanday maqsadlar uchun mos keladi? |
|---|---|
Turistik viza (visitor visa) | Turizm, qarindoshlar yoki doʻstlarni ziyorat qilish, qisqa muddatli xizmat safarlari va xalqaro tadbirlarda ishtirok etish. |
Talabalar uchun viza (study permit) | Universitet yoki institutda olti oydan ortiq davom etadigan dastur boʻyicha tahsil olish. |
Ishchi vizasi (work permit) | Rasmiy ishga joylashish. |
Immigratsion viza (Express Entry) | Kanadaga doimiy yashash joyi (DYJ) uchun koʻchib oʻtish. |
Viza turi | Qanday maqsadlar uchun mos keladi? |
|---|---|
Turistik viza (visitor visa) | Turizm, qarindoshlar yoki doʻstlarni ziyorat qilish, qisqa muddatli xizmat safarlari va xalqaro tadbirlarda ishtirok etish. |
Talabalar uchun viza (study permit) | Universitet yoki institutda olti oydan ortiq davom etadigan dastur boʻyicha tahsil olish. |
Ishchi vizasi (work permit) | Rasmiy ishga joylashish. |
Immigratsion viza (Express Entry) | Kanadaga doimiy yashash joyi (DYJ) uchun koʻchib oʻtish. |
Kanada vizasi uchun qanday hujjatlar kerak?
Ma’lumotnomalar va shakllarning aniq roʻyxati sizning vaziyatingiz hamda viza turiga bogʻliq. Safar maqsadidan qat’i nazar, har qanday holatda ham shaxsiy ma’lumotlarning asosiy paketini yigʻishingiz kerak boʻladi. Ingliz yoki fransuz tillarida boʻlmagan barcha ma’lumotnomalar notarial tasdiqlangan tarjimasi bilan birga taqdim etilishi lozim. Quyida Kanadaga turistik viza olish uchun kerak boʻladigan asosiy hujjatlar roʻyxati keltirilgan.
Kanada vizasi uchun kerak boʻladigan asosiy hujjatlar
- xorijga chiqish pasporti. Kanadadan chiqib ketish rejalashtirilgan sanadan keyin kamida olti oy davomida haqiqiy boʻlishi kerak;
- anketa. Turizm uchun IMM 5257 shakli kerak boʻladi, u shaxsiy kabinetda onlayn tarzda toʻldiriladi;
- bank hisobidan koʻchirma. Oxirgi toʻrt oylik bank hisobvaraqlaridan koʻchirmalar (aniq summa yoʻq, barchasi mehmonxonada yoki tanishlaringiznikida qolishni rejalashtirayotganingizga bogʻliq, taxminan 1500 dollardan moʻljal oling) va maosh koʻrsatilgan ish joyidan maʼlumotnoma;
- biometrik ma’lumotlar. Barmoq izlari va raqamli fotosuratni topshirish shart;
- yigʻimlar toʻlanganligi toʻgʻrisidagi kvitansiyalar. Hujjatlarni koʻrib chiqish ariza topshirish vaqtida onlayn tarzda toʻlanadi va uning narxi 100 CAD (taxminan 856 ming UZS), biometrik ma’lumotlarni topshirish esa yana 85 CAD (taxminan 727 ming UZS) tashkil etadi.
- vatan bilan bogʻliqlikni tasdiqlovchi dalillar. Bunga Oʻzbekistonda koʻchmas mulk borligi toʻgʻrisidagi maʼlumotnomalar, nikoh toʻgʻrisidagi yoki uyda qolayotgan bolalarning tugʻilganlik haqidagi guvohnomalari kirishi mumkin.
Kanadaga har xil turdagi vizalar uchun yana qanday hujjatlar kerak?
Viza | Hujjatlar |
|---|---|
Turistik viza (visitor visa) | Kunbay rejalashtirilgan batafsil sayohat marshruti, turar joy va aviabiletlar bandlovi yoki Kanadadagi qabul qiluvchi tomonning (qarindoshlar yoki doʻstlar) rasmiy taklifnomasi hamda ularning hujjatlari nusxalari. |
Talabalar uchun viza (study permit) | DLI roʻyxatidagi oʻquv yurtidan olingan qabul xati (Letter of Acceptance). Shuningdek, 2026-yilda aksariyat dasturlar uchun viloyat tasdigʻi — PAL/TAL (viloyat hukumati tomonidan sizga kvota ajratilganini tasdiqlovchi hujjat) majburiydir. Bundan tashqari, birinchi oʻquv yili uchun toʻlov kvitansiyasini ilova qilish va motivatsiya xati (Letter of explanation) yozish kerak. Unda ushbu oʻqish nima uchun kerakligini asoslab berish va viza masʼuliga diplom olgandan keyin uyingizga albatta qaytishingizni isbotlash muhimdir. Rasmiylashtirish uchun davlat boji — 150 CAD (taxminan 1 mln UZS). |
Ishchi vizasi (work permit) | Mehnat sharoitlari va ish haqi tavsiflangan rasmiy ish taklifi (job offer). Baʼzida ish beruvchidan LMIA (mehnat vazirligi tomonidan tasdiqlangan mahalliy kadrlar yetishmovchiligi toʻgʻrisidagi xulosa) talab qilinadi. Shuningdek, rezyume, diplomlar, mehnat daftarchasi va tavsiyanomalarni taqdim etish lozim. Koʻrib chiqish toʻlovi 155 CAD (taxminan 1 mln UZS). |
Immigratsion viza (Express Entry) | Ikki yildan oshmagan til testi sertifikati (masalan, IELTS kamida 6.0), ECA diplomlarini baholash (evaluatsiya) xulosasi, NOC roʻyxatiga muvofiq egallab turgan lavozim kodlari koʻrsatilgan oxirgi 10 yildagi ish beruvchilardan batafsil maʼlumotnomalar, barcha yashagan mamlakatlardan sudlanmaganlik haqida maʼlumotnomalar va IME (Immigration Medical Exam) rasmiy immigratsiya tibbiy koʻrigi natijalari. Arizani koʻrib chiqish uchun toʻlov — 990 CAD (taxminan 8 mln UZS) va doimiy yashash huquqi uchun yana 600 CAD (taxminan 5 mln UZS). |
Viza | Hujjatlar |
|---|---|
Turistik viza (visitor visa) | Kunbay rejalashtirilgan batafsil sayohat marshruti, turar joy va aviabiletlar bandlovi yoki Kanadadagi qabul qiluvchi tomonning (qarindoshlar yoki doʻstlar) rasmiy taklifnomasi hamda ularning hujjatlari nusxalari. |
Talabalar uchun viza (study permit) | |
Ishchi vizasi (work permit) | |
Immigratsion viza (Express Entry) |
Kanadaga qanday qilib viza olish mumkin?
Oʻzbekistondan boʻlgan arizachilarning aksariyati uchun rasmiylashtirish IRCC immigratsiya xizmati tizimi orqali onlayn tarzda amalga oshiriladi. Qogʻoz shaklida topshirishga faqat alohida hollardagina ruxsat beriladi: masalan, agar shaxs kasalligi tufayli arizani internet orqali yuklay olmasa yoki maxsus yoʻl hujjatidan foydalanayotgan boʻlsa. Hujjatlarni onlayn topshirish qulay — tizimning oʻzi yuklash uchun shaxsiy fayllar roʻyxatini shakllantiradi.
1-qadam. Viza turini aniqlang
Avvalo, sizga viza nima uchun kerakligini tushunib olishingiz lozim. Turizm, oʻqish, ish, tranzit va immigratsiya — bular mutlaqo turli xil asoslardir. Agar notoʻgʻri ariza turi tanlansa, hatto mukammal hujjatlar toʻplami bilan ham rad javobini olish juda oson, chunki viza xodimi hujjatlarni aynan koʻrsatilgan maqsad boʻyicha baholaydi.
2-qadam. Hujjatlarni tayyorlang
Hujjatlar toʻplamining asosi deyarli har doim bir xil: xorijga chiqish pasporti, sayohat maqsadini tasdiqlovchi hujjat, moliyaviy hujjatlar va Oʻzbekiston bilan aloqalaringizni isbotlovchi dalillar. Sayyohlik vizasi (visitor visa) uchun IRCC xizmati rasman arizachidan viza ofitserini uyiga qaytish niyati borligiga ishontirishini va qolish muddati uchun yetarli miqdorda mablagʻi borligini isbotlashini talab qiladi.
Oʻzbek yoki rus tillaridagi barcha maʼlumotnomalar albatta ingliz yoki fransuz tillariga tarjima qilinishi shart. Toʻliq boʻlmagan yoki notoʻgʻri rasmiylashtirilgan tarjimalar koʻpincha qaror qabul qilinishini sekinlashtiradi.
3-bosqich. Onlayn ariza topshiring
IRCC Portal tizimida roʻyxatdan oʻtish, anketani toʻldirish, savollarga javob berish va fayllarni yuklash kerak. Agar IRCC Portal’dan birinchi marta foydalanayotgan boʻlsangiz, akkaunt yaratish uchun maxsus taklif kodi kerak boʻladi. Uni olish uchun kod yuboriladigan elektron pochta manzilingizni qoldirish kifoya. Anketa toʻldirilgandan soʻng, tizim siz tanlagan viza turiga qarab avtomatik ravishda shakllanadigan shaxsiy hujjatlar roʻyxatini taqdim etadi.
4-qadam. Yigʻimni toʻlang
Anketani yuklagandan soʻng davlat bojini toʻlash kerak. Sayyohlik vizasini koʻrib chiqish bir kishi uchun 100 CAD (taxminan 856 ming UZS) tashkil etadi, biometriya esa alohida toʻlanadi va 85 CAD (taxminan 727 ming UZS) turadi. Agar hujjatlarni birinchi marta topshirayotgan boʻlsangiz, IRCC biometriya toʻlovini asosiy ariza bilan birga darhol toʻlashni qatʼiy tavsiya qiladi, aks holda koʻrib chiqish jarayoni choʻzilib ketishi mumkin.
5-qadam. Biometriyani topshiring
Ariza topshirilgandan keyin odatda yoʻriqnoma koʻrsatilgan xat (BIL) keladi. Biometriya uchun navbatga yozilish bepul, biroq ushbu vaqtga kelib yigʻimning oʻzi toʻlangan boʻlishi kerak. Barmoq izlari va raqamli fotosurat topshirish uchun xat olingan kundan boshlab 30 kun vaqt beriladi. Jarayondan shaxsan oʻtiladi, asosiysi — aynan joriy arizaga tegishli BIL blankasini chop etib, oʻzi bilan birga olib kelish lozim. Agar rad javobidan keyin hujjatlar qayta topshirilsa yoki yangi viza rasmiylashtirilsa, shaxsiy kabinetdagi eski xat toʻgʻri kelmaydi.
Oʻzbekistonda rasmiy Kanada viza markazi yoʻqligi, Toshkentdagi konsullik esa biometriya yigʻish bilan shugʻullanmasligi sababli, ushbu jarayondan oʻtish uchun qoʻshni davlatga borishga toʻgʻri keladi. Eng yaqin VFS Global markazlari Olmaota, Ostona va Dushanbe shaharlarida joylashgan. U yerda biometriya topshirish, pasportni qoldirish va muhrlangan pasportingiz (viza maʼqullangan taqdirda) qaytarib berilishini kutish kerak boʻladi. Bunday sayohat uchun qulay aviachiptalarni har doim Aviasales.uz saytidan topish mumkin.
Yaxshi xabar shundaki, vaqtinchalik vizalar uchun biometriya odatda oʻn yil davomida amal qiladi. Agar oldingi ariza boʻyicha rad javobi berilgan boʻlsa, uning amal qilish muddati tugamagan boʻlishi sharti bilan, qayta toʻlov qilish va uni qaytadan topshirish talab etilmaydi.
6-qadam. Qarorni kuting
Koʻrib chiqishning aniq muddatini oldindan aytish qiyin. IRCC xizmati hujjatlarni qayta ishlash vaqti boʻyicha onlayn-kalkulyatorni muntazam ravishda yangilab turadi va muddatlar kafolatlanmagani haqida ochiq ogohlantiradi. Koʻrib chiqish tezligiga ariza turi, hujjatlar toʻplamining toʻliqligi, tekshirishning murakkabligi va qoʻshimcha soʻrovlarga qanchalik tez javob berishingiz taʼsir qiladi. 3-iyun holatiga koʻra, koʻrib chiqish muddati 28 kunni tashkil etmoqda.
Nima sababdan Kanada vizasini rad etishlari mumkin?
Rad etishning eng koʻp uchraydigan sabablari oddiy:
- ariza turi notoʻgʻri tanlangan.
- safar maqsadi ishonchsiz;
- kuchsiz vatan bilan bogʻliqlik;
- moliyaviy mustaqillikka nisbatan shubhalar;
- hujjatlar toʻplami toʻliq emas;
- anketadagi qarama-qarshiliklar;
- sogʻliq bilan bogʻliq muammolar;
- sudlanganlik;
Sayyohlik vizasi (visitor visa) uchun IRCC immigratsiya xizmati oʻqishdan soʻng mamlakatni tark etishingizni va sayohat uchun yetarli mablagʻingiz borligini isbotlashni aniq talab qiladi. Ishchi viza (work permit) uchun esa alohida asoslar, jumladan, notoʻgʻri maʼlumot taqdim etish (misrepresentation), tibbiy moneliklar va qonun bilan bogʻliq muammolar mavjud.
Agar rad javobi olingan boʻlsa, aynan bir xil arizani qayta yuborish yaramaydi. IRCC xizmati ogohlantiradiki, xuddi shu maʼlumotlar bilan, hatto maslahatchi orqali qayta topshirish ham, katta ehtimol bilan hech qanday natija bermaydi. Vaqtinchalik vizalar boʻyicha rasmiy apellatsiya mavjud emas. Anketani qaytadan toʻldirish faqat sharoitlar oʻzgargan yoki yangi hujjatlar paydo boʻlgan taqdirdagina maʼnoga ega.
Kanada vizasi haqida tez-tez soʻraladigan savollar
Vizani shaxsan ishtirok etmasdan olish mumkinmi?
Ariza onlayn tarzda topshiriladi, shuning uchun bu ish uchun idoraga kelish shart emas. Ammo agar siz Kanada vizasiga birinchi marta hujjat topshirayotgan boʻlsangiz, barmoq izlarini topshirish va suratga tushish uchun VFS Global markaziga shaxsan borishingizga toʻgʻri keladi. Agar amaldagi biometrik ma’lumotlar allaqachon topshirilgan boʻlsa, qayta borish talab etilmaydi — ma’lumotlar odatda oʻn yil davomida saqlanadi. Biometrik ma’lumotlaringiz holatini Canada.ca saytidagi maxsus xizmat orqali tekshirishingiz mumkin.
Kanada orqali tranzit oʻtishda viza kerakmi?
Agar Kanadadagi aeroportda tranzit vaqti 48 soatgacha boʻlsa va sizda amaldagi turistik viza boʻlmasa, maxsus tranzit vizasi (transit visa) rasmiylashtiriladi. Uning uchun konsullik yigʻimi toʻlash talab etilmaydi. Agar siz shaharga chiqishni, aeroportda 48 soatdan ortiq qolishni yoki chegarani quruqlik yoxud suv orqali kesib oʻtishni rejalashtirayotgan boʻlsangiz, turistik viza talab qilinadi.
Kanadada boʻla turib, vizani uzaytirish mumkinmi?
Pasportdagi shtamp emas, balki mamlakatda ruxsat etilgan qolish muddati uzaytiriladi. Buning uchun Kanada ichida alohida hujjat — visitor record rasmiylashtiriladi. Agar kirishda chegarachi ofitser boshqa muddatni belgilamagan boʻlsa, aksariyat turistlar mamlakatda qonuniy ravishda olti oygacha qolishlari mumkin. Agar uzoqroq qolish istagi boʻlsa, visitor record uchun arizani joriy maqom tugashidan kamida 30 kun oldin topshirish tavsiya etiladi. Qolish muddatini uzaytirish boʻyicha koʻrsatmalar Canada.ca saytidagi "Extend your stay" sahifasida toʻplangan.
Viza olish imkoniyatlarini qanday oshirish mumkin?
Bir nechta jihatlarni tasdiqlashga harakat qiling:
- tashrifning aniq maqsadi va belgilangan yoʻnalish;
- pullarning qonuniy manbai va hisobraqamlarda yetarli mablagʻ;
- tasdiqlangan yashash joyi;
- Oʻzbekistonga qaytish uchun asosli sabablar.
Anketalardagi barcha sanalar va ma’lumotlar bir-biriga qat’iy mos kelishi muhimdir. Shunchaki hajm uchun ortiqcha hujjatlarni ilova qilish yaramaydi. Shuni yodda tutingki, taklifnomaning mavjudligi yoki viza vakilining jalb etilishi, agar amalda kuchli dalillar boʻlmasa, avtomatik ravishda ma’qullanishni kafolatlamaydi.
