2025-yilgi qish: qishki ta’til uchun eng ommabop mamlakatlar
Palovni pad-tay va nasi lemakka almashtiramiz.
O‘zi qish endi boshlandiyu, odamlar esa ijtimoiy tarmoqlarda ikki guruhga bo‘linib ulgurishdi: kimdir birinchi qor (va tirbandliklar) haqida yozsa, boshqalar palmalar soyasida salom yo‘llashmoqda. Agar hali birinchi guruhda bo‘lsangizu, ikkinchisiga qo‘shilishni juda istasangiz — bugungi mavzu siz uchun.
Biz Aviasales.uz’da keyingi uch oyda odamlar qaysi yo‘nalishlarga ko‘proq chipta sotib olishganini ko‘rib chiqdik. Qisqacha xulosa: bu mavsumda o‘zbekistonliklar odatiy marshrutlarni ekzotikaga ommaviy ravishda o‘zgartirmoqda. Bu yilgi qish mavsumida asosiy boshlang‘ich shaharlar - Toshkent, Samarqand va Farg‘ona. Birma-bir aytib beramiz.
Osiyoga qiziqish katta
Bu yilgi qish trendi — Janubi-Sharqiy Osiyo.
Malayziya
Tasavvur qiling: bir yil ichida ushbu yo‘nalish bo‘yicha bronlar soni uch baravar oshdi. O‘sish sababi ham ayon: Kuala-Lumpurning o‘zi nafaqat transport almashinuvi markazi, balki malay, hind va xitoy madaniyatlari kesishgan qiziqarli shahar hamdir.
Yanvar-fevral oylarida Malayziyaning g‘arbiy sohillarida (Langkavi, Penang) ob-havo ajoyib bo‘ladi. Kuala-Lumpurning o‘zida Jalan Alordagi ko‘cha taomlaridan boshlab, moda bo‘lgan ruftoplargacha gastrotur uyushtirishni tavsiya qilamiz. Yana u yerda qoyilmaqom shoping qilish mumkin — aynan qishda katta chegirmalar boshlanadi.
Tailand
Ushbu an’anaviy «qishki bekorchilik» manzilining ommabopligi o‘tgan qishga nisbatan 40%ga oshgan. Siz ham ushbu maqolamiz qahramoni singari Yangi yilni kutish uchun to‘satdan Tailandga ketvorasizmi yoki bizning sevimli ko‘rsatmamiz asosida safaringizni shoshilmay rejalashtirasizmi, — ixtiyoringiz. Ammo bu qishda albatta Tailandni ko‘rish kerak: hozir «quruq mavsum» boshlanmoqda. Quyoshda toblanish uchun Pxuket yoki Samuiga, ibodatxonalar va tom-yama uchun esa Bangkokga uchib boring. Faqat SPF 50 ni unutmang, u yerda quyosh hatto qishda ham hazillashmaydi.
Barqaror klassika
Trendlar o‘z yo‘liga, chunki o‘zbekistonliklar yillar davomida sodiq qolayotgan yo‘nalishlar ham bor. Bu yo‘nalishlarga talab o‘sishi – 3 dan 35%gacha. U mamlakatlarda qishda mana nimalar bilan mashg‘ul bo‘lish mumkin:
Rossiya
O‘zbekistonliklar mehrini qozongan muqarrar peshqadam. Kimdir qarindoshlarni, kimdir esa — haqiqiy qishni ko‘rgani boradi.
Agar Moskvaga kelib qolsangiz, muz maydoniga boring — VDNX yoki Gorkiy bog‘iga. Hatto oyoqda zo‘rg‘a turgan bo‘lsangiz ham, bu juda qiziqarli. Sovqotganingizda esa Tretyakovka yoki «Pushkin»da san’at bilan isining. Peterburgda qishda sovuq bo‘ldi, lekin Ermitajda navbatlar qisqaroq, hashamatli binolarda esa hamon issiq.
BAA
Qishda Amirliklarda eng qulay ob-havo - +24-25 °C. Nihoyat, konditsioner ostidan boshqa konditsionerga yugurmasdan ko‘chada sayr qilish mumkin. Dekabrdan yanvargacha Dubayda katta savdo festivali (DSF) bo‘lib o‘tadi - chegirmalar, mushakbozlik va osmonda dronlar. Bordi-yu, shahar jonga tegsa, cho‘lga «djip-safari»da boringlar, qishda u yerda quyosh kuydirmaydi.
Turkiya
Qishda Istanbulda sayyohlar kamroq bo‘ladi va uch soatlik navbatsiz Ayo Sofiyani bemalol tomosha qilish mumkin. Albatta salepni tatib ko‘ring - bu orxideya ildizidan tayyorlangan issiq sutli ichimlik bo‘lib, u faqat sovuq mavsumda ko‘chalarda sotiladi. Agar turk seriallarini yaxshi ko‘rsangiz, o‘zingizni ekran yulduzi kabi his qilish uchun marshrutimiz bo‘ylab yuring.
Xitoy
Xitoy o‘zbekistonliklar uchun yaqinda ochildi va ishonch bilan rivojlanmoqda. Qishda ikki yo‘l bor. Yoki Xaynan oroliga uchish - plyajlarda isinish va tropik mevalarni iste’mol qilish. Yoki Xarbinga - mashhur muz va qor festivaliga. U yerda yorug‘lik tushadigan ulkan muz qal’alar qurilmoqda. Sovuq, lekin juda chiroyli (eng issiq termobelyo oling).
Saudiya Arabistoni
Qish umra uchun eng yaxshi vaqt, chunki jazirama issiq bo‘lmaydi. Ziyoratdan tashqari, mamlakatda turizm ham faol rivojlanmoqda: Al-Ulu (sahrodagi qadimiy shahar) ga borish yoki Qizil dengiz sohilidagi futuristik loyihalarni tomosha qilish mumkin.
O‘zbekistonliklar bolalari bilan qayerlarga sayohat qiladilar?
Agar siz oilaviy ta’tilni rejalashtirayotgan bo‘lsangiz, unda siz yolg‘iz emassiz - bu qishda yo‘lovchilarning taxminan 8 foizi farzandlari bilan uchishadi. Ferrari World va Legoland kabi ko‘ngilochar manzillar sabab ko‘proq BAAni (14%), dengiz va fillar tufayli esa Tailandni (12%) tanlashmoqda. Malayziyaga uchayotganlar ham oz emas (9%) — axir u yerda ham qoyilmaqom Legoland parki va Kuala-Lumpur markazida ulkan okeanarium bor.
Qishki ta’til uchun qaysi mamlakatni tanlasangiz ham, unga kirish qoidalari bilan tanishing va pasportingizning amal qilish muddatini tekshiring. Barcha yo‘nalishlarga (hattoki Farg‘onagacha) chiptalarni esa Aviasales.uz’dan topasiz.
