Qanday qilib «Real», «Liverpul» va boshqa top-klublar matchlariga borish mumkin?
Qayerda chiptalar ochiq sotilmoqda, qayerda — lotereyada, qayerda esa olib- sotarlarga duch kelasiz.
«Real»ning o‘yinini «Santyago Bernabeu» tribunasidan tomosha qilish yoki «Enfild»da You’ll Never Walk Alone’ni kuylayotganlarga jo‘r bo‘lishni istaysizmi? Yevropada yangi futbol mavsumi boshlanib bo‘ldi, sentyabrdan Jahon chempionati 2026 uchun chiptalar ham sotuvga chiqadi. Sayohatni futbol bilan birlashtirish uchun esa — sabablar behisob.
Keling, asosiy matchlar va turnirlarga chipta olishning qanday oson yo‘llari borligini tahlil qilamiz.
La Liga: «El-Klasiko» o‘yinlariga qanday kirish mumkin?
Eng osoni, klublarning rasmiy saytlari orqali chipta sotib olish. «Real Madrid» yoki «Barselona» o‘yiniga tushmoqchimisiz — ularning saytidagi Tickets sahifasiga kiring. Odatda, Ispaniya chempionatining navbatdagi matchlariga chiptalar o‘yindan 9-10 kun oldin sotuvga chiqariladi. VIP-o‘rinlar uchun chiptalar esa — sal oldinroq.
«Barsa» matchlariga chiptalar sotuvini o‘tkazib yubormaslik uchun saytning xuddi o‘sha sahifasida — «Let me know» tugmasi orqali email-xabarnomalarga ulanish mumkin. Lekin «Real Madrid» chiptalari sotuvini o‘zingiz kuzatib borishingizga to‘g‘ri keladi.
Oddiy o‘rindiqlarga chiptalar 30–50 yevrodan (taxminan 420 000 so‘mdan 700 000 so‘mgacha), VIP-chiptalar — 350 yevrodan (5 million so‘mga yaqin) boshlanadi. Albatta, «El-Klasiko» («Barselona» «Real»ga qarshi) o‘yinlariga chiptalar hamisha qimmatroq va bir zumda sotilib ketadi. Bu chiptani olish uchun o‘yinlar jadvali e’lon qilingan kundan boshlab saytni tinmay kuzatish va hatto, virtual navbatni ancha kutishga to‘g‘ri keladi. «Valensiya» yoki «Atletiko» kabi jamolar o‘yinlariga chipta olish esa nisbatan oson.
Fransiya, Italiya, Germaniya: deyarli qiyinchiliksiz
Fransiyaning 1-Ligasidaham xuddi shunday tartib: chiptalarni klublarning saytlaridan topasiz.
«Pari Sen-Jermen» chiptalarni o‘z portalida sotadi, narxlar 50 yevrodan (700 000 so‘m atrofida) boshlanadi. «Monako» o‘yiniga esa, masalan, 12 yevro (taxminan 170 000 so‘m) evaziga ham tushsa bo‘ladi. Hammasi, odatdagidek, o‘yin oldidan bo‘ladigan shov-shuv darajasiga bog‘liq.
Italiya va Germaniyada chiptalarni «Yuventus», «Napoli», «Milan», «Bavariya» yoki «Borussiya Dortmund» saytlarida oson sotib olish mumkin. Yagona sharti: nemis grand jamoalari matchlariga chipta olish uchun ularning saytida ro‘yxatdan o‘tish kerak bo‘ladi.
Angliya Premyer-ligasi: uddalab bo‘ladigan ishmi?
Ana endi bu yerda ish bir tekis ketmaydi. Angliyaning top-jamoalari o‘yiniga to‘satdan, osongina kirish deyarli imkonsiz.
«Liverpool»: oldindan navbat olish kerak. Chiptalar qat’iy tarzda navbatga ko‘ra sotiladi. Agar navbatning oxirida bo‘lsangiz, demak — o‘yinni maydonda ko‘rolmaysiz.
«Arsenal»: chipta sotuvlari xuddi lotereya kabi o‘tadi. Siz ro‘yxatdan o‘tasiz, ariza qoldirasiz va tizim sizni tanlasagina, chipta xarid qilish huquqiga ega bo‘lasiz.
«Manchester Site»: bu yerda ham oldindan ariza qoldirish va natijani kutish kerak.
Chipta olish nimaga bunchalik qiyin? Maydondagi joylarning ko‘pini mavsumiy abonement egalari sotib olishadi. Ochiq savdogacha yetib kelgan ozgina chiptalar ham olib-sotarlar qo‘liga tushadi. Shu sababli, tavakkal bo‘lsa-da, eng ish beradigan usul — chiptani reseller-saytlar orqali olish.
Men Chempionlar ligasi o‘yinlarida ikki marta bo‘lganman:. «Manchester Yunayted» – «Atletiko Madrid» va «Manchester Siti» – «Real Madrid». Ikki safar ham chiptani Fanpass.net. orqali oldim. Muammo bo‘lmagan. Oldindan to‘lov qilasan, chipta esa match kuni yetib keladi. Rasmiy saytlar orqali chipta topish qiyin, chunki abonementli ishqibozlar hamma joyni egallagan bo‘ladi.
Chempionlar ligasi: rasmiy sayt, lotereya va yana o‘sha olib-sotarlar
Guruh bosqichi va pley-off o‘yinlariga chiptalar klublar saytlarida sotiladi. Demak, ma’lumotlarni o‘tkazib yubormaslik uchun o‘zingiz ishqibozi bo‘lgan klublarning rasmiy sayti va tarmoqdagi sahifalarni kuzating.
Final o‘yinida boshqacha — uni UYEFAning o‘zi tashkillashtiradi, chiptalar lotereyada o‘ynaladi. Siz UYEFA saytida ro‘yxatdan o‘tasiz va omadingizni kutasiz. Omadingiz kelsa, tizim bir nechta chiptalarni xarid qilishni taklif etadi. Ularning birontasidan voz kecholmaysiz — yoki hammasini olasiz, yoki chiptasiz qolasiz.
Men 2024-yilda Germaniyada o‘tgan Yevropa Chempionatiga lotereyada qatnashganman. Menga to‘rtta chipta taklif etildi, biroq ulardan bittasi 2000 yevro (28 million so‘mdan ortiq!) ekan. Bu chiptadan voz kechib, qolgan uchtasini olish mumkin emasdi. Hammasidan voz kechishga majbur bo‘ldim. Baxtimga, keyinroq jurnalist sifatida akkreditatsiya oldim.
Ko‘pincha Chempionlar ligasiga chiptalar shunchalik tez sotiladiki, uyog‘iga birgina chora qoladi — olib-sotarlar. Bu hamisha tavakkal ish, lekin ba’zan o‘zini oqlaydi.
Do‘stim bilan Londonda Chempionlar ligasi 2024 final o‘yinida («Real Madrid» – «Borussiya Dortmund») bo‘lgandik. Chiptalarni footballticketnet.com reseller-saytidan oldik. To‘g‘ri, bu qaltis ish va oqibati to‘liq sening zimmangda. Lekin biz tavakkal qildik va matchni jonli ko‘rdik. Chiptalar o‘yin kuni yetib keldi.
Jahon chempionati 2026: qanday qilib FIFA ID olsa bo‘ladi?
Navbatdagi jahon chempionati 2026-yil 11-iyundan 1-iyulgacha AQSH, Kanada va Meksikada bo‘lib o‘tadi. Chiptalar 10-sentyabrda sotuvga chiqadi.
Hoziroq nima qilish lozim:
- FIFA saytida ro‘yxatdan o‘tib, shaxsiy FIFA IDni olish kerak. Shundan keyin pochtangizga sotuvlar boshlangani haqida barcha xabarlar kelib turadi.
- Agar Visa kartangiz bo‘lsa, tayyor turing: 10–19-sentabr kunlarifaqat mana shu karta egalari uchun sotuvoldi sotuvlari bo‘ladi. Chiptalar lotereya orqali tasodifiy taqsimlanadi.
- Yangiliklarni kuzatish: ommaviy sotuvlar, har qalay, 5-dekabrdagi qur’a tashlashdan keyin boshlansa kerak. Barcha axborotlar FIFA saytida beriladi, demak, havolaga obuna bo‘lgan yaxshiroq.
Tan olish kerak, futbol chiptalari — arzon tushadigan huzur-havas emas, lekin arzonroq olish yo‘lini topsa bo‘ladi. Arzon aviachiptalarni qayerdan izlashni esa siz o‘zingiz yaxshi bilasiz, bu — Aviasales.uz.
