SIM-karta, eSIM yoki rouming? Ta’til payti aloqada bo‘lish usullarini aniqlaymiz

Chipta sotib olish va mehmonxonani band qilish – bu ishning atigi yarmi. Sayohatga tayyorgarlikdagi ayni muhim ikkinchi ish esa aloqa masalasini hal qilishdir. Chet elda internetsiz qolish stressga to‘ppa-to‘g‘ri yo‘ldir: xaritalar ochilmaydi, taksi chaqirish muammo, do‘stlar bilan bog‘lana olmaysiz. Shuning uchun, biz sayohatda onlayn bo‘lishning barcha usullarini batafsil tahlil qilib chiqdik.

Rouming

O‘zbekistondagi raqamingiz (Beeline, Ucell, Mobi.uz yoki boshqa) chet elda ham ishlashi mumkin. Asosiy afzallik- ortiqcha harakatlar shart emas: odatiy raqamingiz o‘zingizda qoladi, bemalol qo‘ng‘iroqlarni qabul qilasiz va bog‘lanasiz, xizmatni esa o‘zingiz borgan mamlakatda yoki eng yaxshisi, parvozdan bir necha soat oldin yoqtirishingiz maʼqul. Bu ikki-uch kunlik qisqa safarlar uchun qulay usul hisoblanadi. Bundan tashqari, hozirda ko‘plab aloqa operatorlari doimo onlayn bo‘lishni xohlovchilar uchun parvoz paytida ham rouming xizmatini taqdim etmoqda.

Endi kamchiliklar haqida. Asosiy va aslida yagona kamchilik - narxlar. Misol uchun, Turkiyada 1 GB internet va 30 daqiqalik qo‘ng‘iroq uchun Beeline rouming paketining narxi 150 000 so‘m. Bu yaxshigina kechki taom narxiga teng, biroq xizmatlar hajmi juda oz. Ba’zi operatorlar roumingda ovozli aloqa va internet xizmatlarini alohida taqdim etadi va umuman olganda, narx sizning qo‘shni Qirg‘izistonga yoki iliq iqlimli Tailandga borishingizga qarab o‘zgaradi.

Taqqoslash uchun, O‘zbekiston operatorlarining rouming paketlari uchun taxminiy narxlarni keltiramiz:

Rouming kimga to‘g‘ri keladi? Ortiqcha ovora bo‘lishni istamaydigan va buning uchun to‘livga tayyor bo‘lganlarga. Yoki ish yuzasidan o‘z asosiy raqamida qolishi juda muhim bo‘lgan kishilarga.

Mahalliy SIM-karta

Borgan mamlakatda sotib oladigan oddiy plastik SIM-karta. Asosiy afzalligi – bu juda qulay: internet xizmati ko‘pincha arzon (qayerga uchishingizga qarab), tariflar esa uzoq vaqt onlayn bo‘lib turishga imkon beradi. Bundan tashqari, mahalliy raqam bilan restoran yoki mehmonxonaga qo‘ng‘iroq qilganingizda, o‘zingizni mahalliy kishidek tutishingiz oson bo‘ladi.

Biroq, kamchiligi ham yoq emas. Birinchidan, sim-kartani topish uchun vaqt sarflashga to‘g‘ri keladi – aeroportda narxi qimmatroq bo‘lishi mumkin, shaharda esa rasmiy do‘konni qidirib topish kerak. Ikkinchidan, pasport bilan bog‘liq mayda rasmiyatchiliklarga tayyor turing. Ba’zi mamlakatlarda sim-kartalar non kabi bemalol sotilsa, boshqalarida (masalan, Yevropada) nafaqat pasport, balki mahalliy bankda hisob raqami mavjudligini tasdiqlovchi ma’lumotnoma ham kerak bo‘ladi. Bundan tashqari, bu vaqt mobaynida asosiy raqamingiz ishlamaydi, sim-karta xarid qilishda esa tilni bilmasliigingiz pand berishi mumkin.

Misol uchun bir nechta tariflar:

Mahalliy sim-karta kim uchun qulay? U bir hafta va undan ko‘proq muddatga safarga chiqqan, doimo onlayn bo‘lishni hamda tejamkorlikni ma’qul ko‘radigan kishilar uchun juda mos.

eSIM

Bu QR-kod orqali telefonga yuklanadigan virtual SIM-karta. Uning eng katta afzalligi - qulayligi. Uni hali O‘zbekistonda paytingizdayoq o‘rnatish mumkin va u manzilga yetib borishingiz bilanoq ishga tushadi. Shu bilan birga, plastik SIM-kartadagi asosiy raqamingiz ham ishlayveradi, telefoningizga esa turli mamlakatlar uchun birdaniga bir nechta eSIM yuklab olsa bo‘ladi. 

Kamchiliklari: eSIM mahalliy "plastik" SIM-kartaga nisbatan biroz qimmatroq bo‘lishi mumkin, uni birinchi marta faollashtirish uchun Wi-Fi kerak bo‘ladi va eng muhimi – u barcha telefon modellarida ishlayvermaydi. Odatda u so‘nggi rusumli eng zamonaviy modellarga tushadi, shuning uchun qurilmangizni oldindan tekshirib ko‘ring.

Keling, Tailand uchun yesim yoki Airalo kabi xizmatlarning eng arzon tariflarini taqqoslaymiz:

eSIM kimlarga mos keladi? Qulaylikni qadrlaydigan, zamon bilan hamnafas yashovchi va bir nechta davlatlar bo‘ylab safarni rejalashtiraganlar uchun.

B reja: jamoat Wi-Fi va oflayn xaritalar

Bepul Wi-Fi odatda aeroportlar, vokzallar, mehmonxonalar, savdo markazlari va tarmoq qahvaxonalarida mavjud. Ko‘plab sayohatchilar faqat jamoat Wi-Fiʼdan foydalanadi va bu chindan ham yetarli bo‘lishi mumkin. Faqat, adashib qolmaslik uchun oflayn kartalarni oldindan Google Maps yoki Maps.me saytiga yuklab oling, shuningdek, qatʼiyan yodda tuting: hech qachon bank ilovalariga kirmang va karta ma’lumotlarini jamoat Wi-Fi orqali kiritmang: ma’lumotlaringiz o‘g‘irlanishi mumkin.

Shunday qilib biz

Qulaylik uchun hamma narsani jadvalga jamladik.

Endi siz sayohat paytidagi aloqa usullari haqida hamma narsani bilasiz. Tilagimiz, safaringiz davomida faqat charchoq va yomon kayfiyatingiz yo‘qolsin, internetingiz esa doim bor bo‘lsin.