O‘zbekistonliklar qayerlarga umuman chipta olishmaydi?
Keyingi uch yilda o‘zbekistonliklar bor-yo‘g‘i bittadan chipta sotib olgan 18 ta mamlakat ta’rifi.
Biz Aviasales.uz qaydlarini o‘rganib chiqdik va 18 ta yolg‘izoyoq yo‘nalishlarni topdik. Ro‘yxatda — Serra-Leone, Jibuti, Ruanda, Laos, Boliviya va hatto Fiji oroli ham bor. Aftidan, odamlarimiz Turkiyadagi all inclusive’ni Kongo Demokratik Respublikasidagi sarguzashtlarga almashtirishga hali tayyor emaslar. Lekin eng qizig‘i — mana shu «ommalashmagan» mamlakatlarga ham chiptalar izlashadi, ammo sotib olishmaydi. Keling, shu yo‘nalishlarni bir tahlil qilamiz va nima uchun ularga borish orzuligicha qolib ketayotganini bilib olamiz.
Nikaragua
Markaziy Amerikadagi bu mamlakat — eng kam izlanadigan yo‘nalishlar orasida eng peshqadami. Odamlar chiptalarni «Google amaki»dan izlashadi, vulqonlar va kolonial uslubdagi me’morchiliklar suratlarini tomosha qilishadi, biroq, uch yil badaliga faqat birgina inson «sotib olish» tugmasini bosgan bo‘lib chiqadi.
Umuman,Nikaraguani «ko‘llar va vulqonlar diyori» deb atashadi. Bu yerni esktrim sayohatlar — masalan, hali so‘nmagan vulqondan snoubordda uchib tushish (vulqonbording!) uchun tanlashadi. Yana u yerga Tinch okeani sohilida arzon syorfing, jungli o‘rmonlari va akulalar yashaydigan chuchuk suvli noyob ko‘llarda sayr uchun borishadi.
Albatta, u taraflarga O‘zbekistondan to‘g‘ridan to‘g‘ri reyslar yo‘q. Manzilga yetish uchun boshqa yirik xablar, masalan, Istanbul va Mayami orqali ikki va hatto, uch marta samolyotga qayta chiqishlarga tayyor turish kerak. Yo‘lning o‘ziga bir kecha-kunduz vaqt ketadi. Shu bois bu diyorga otlangan yagona yo‘lovchi biznes-klassni tanlaganiga ajablanmasa ham bo‘ladi — bunday sarguzashtni qulaylikda o‘tkazgan ma’qul.
Zimbabve
Ro‘yxatimizdagi yana bir qahramon bir o‘zi Zimbabvega 10 kunga sayohat qilgan. Borib-qaytish unga deyarli 3 000 dollarga tushgan. Taxminimizcha, u ko‘zlagan asosiy manzil sayyoramizdagi yetti tabiat mo‘jizasidan biri — Viktoriya sharsharasi bo‘lgan. Bu sharsharaning ovozi naq 20 kilometr masofadan eshitilib turadi! Bundan tashqari, Zimbabve — safari uchun Afrika qit’asidagi eng yaxshi joylardan biri. Xvangega o‘xshagan milliy bog‘larda «ulkan beshovlon» — fil, sher, qoplon, karkidon va Afrika qo‘tosini yovvoyi tabiat qo‘ynida tomosha qilish mumkin.
O‘zbekistondan Zimbabvega odatda, Dubay (Emirates) yoki Addis-Abeba (Ethiopian Airlines) orqali samolyotga tushib-chiqishlar bilan uchishga to‘g‘ri keladi. Chipta narxi bu yo‘nalish kamxarj sayyohga aniq to‘g‘ri kelmasligiga ishoradir. Ammo, ishonch bilan aytish mumkinki: savannada yetaklashib yurgan hamyurtlaringizni aniq uchratmaysiz.
Dominikan Respublikasi
Ajablanarli, lekin bu fakt: abadiy yoz va baunti-plyajlarga ega mamlakatlar ham talabgir emas. Xuddi Nikaragua bilan bo‘lganidek, Dominikanga ham chipta ko‘p izlashadi-yu, lekin kamdan kam sotib olishadi — uch yil ichida bir martagina chipta band qilingan.
Dominikanga «yerdagi jannat»ni ko‘rishga intilganlar borishadi: oq qumli plyajlar, kokos palmalari, moviy suvli okean va turfa xil sharoblar. Karib orollariga xos «hammasi ichida» tartibda ishlaydigan mehmonxonalar esa yana bir sabab. Yana bu yerda mahalliy aholi vakillari bilan bachata va merenge raqsiga tushish hamda Yangi Dunyoning eng eski shahri — Santo-Domingoni aylanish mumkin.
Toshkentdan parvoz deyarli bir kecha-kunduz davom etadi va kamida bir marta, Yevropa yoki AQSHda samolyotga qayta chiqib-tushish kerak bo‘ladi. Darvoqe, O‘zbekiston fuqarolariga mamlakatga kirish uchun viza kerak bo‘ladi (agar AQSH, Kanada, Buyuk Britaniya yoki Shengenga a’zo mamlakatlar uchun amalda bo‘lgan viza bo‘lmasa). Aftidan, aynan mana shu qiyinchiliklar tufayli odamlar plyajda dam olish uchun boshqa, borib-kelish jo‘nroq yo‘nalishlarni tanlashadi.
Agar bularni o‘qigach, sizda qayerga bo‘lsa ham ketish uchun chipta olish niyati tug‘ilgan bo‘lsa, bizning saytdagi Qaynoq chiptalar sahifasiga kiring yoki keyingi yillarda o‘zbekistonliklarga aviachiptalar qay darajada arzon tushganini ko‘rib chiqing.
