Bu qish o’zbekistonliklar qayerda dam olishi mumkinligini ko’rib chiqamiz: cho’milish, lija va bordlar uchish yoki shunchaki hotirjam dam olish, faqat buning uchun yana bir kredit olmay, o’zi yetarlicha olib bo’lingan.
Barcha ma'lumotlar maqola yozilayotgan vaqtga dolzarbdir — chiptalarni sotib olishdan oldin ma'lumotlarni qayta tekshiring.
Turkiya
Har ikki tomonga chiptalar: 400$ dan boshlab
Viza: talab qilinmaydi
Nima kerak: 72 soatdan oshmagan ingliz tilidagi salbiy PCR testi yoki emlash sertifikati, shaklni to'ldirish ham kerak.
Qishki Turkiya — cho’milish uchun emas (agar mehmonxonadagi hovuzda bo'lmasa), chunki havo +20 darajadan yuqori isimaydi. Biroq, bu jaziramadan toliqmay va navbatda turtkilashmay, diqqatga sazovor joylarni o'rganish uchun ajoyib imkoniyat — bu yuqori mavsumda aynan qila olmaydigan narsadir.
Misr
Har ikki tomonga chiptalar: 496 $ dan boshlab
Viza: kelganda olinadi
Nima kerak: yangi salbiy PCR testi yoki emlash sertifikati
Misrda yuqori mavsum kuzda, qishda esa shamolli va kechqurun 5-da qorayadi. Ammo «shamolli» deganda faqat ba'zan kechqurun xudi yoki kurtka tashlab olish kerakligini anglatadi xolos. Evaziga kuydiradigan quyosh yo'q va mehmonxonalardagi narxlar ham arzonroq, Misrda cho’milishni va piramidalarni tomosha qilishni esa yil davomida amalga oshiringiniz mumkin.
BAA
Har ikki tomonga chiptalar: 450$ dan boshlab
Viza: kelganda olinadi (80$)
Nima kerak: yangi salbiy PCR (72 soatgacha) yoki emlash sertifikati, shuningdek DXB Smart App (Dubay uchun) ilovasida ro’yxatdan o’tish
Air Arabia reyslari tufayli BAAga uchib qaytishingiz, endi Moskvadagi qarindoshlaringiznikiga borib kelishingiz bilan deyarli bir pulga aylanadi — faqat Amirliklarda qishda yoqimliroq. To'g'ri, BAA da narxlar qimmatroq, ammo har kim yangi yilda o’ziga mashg’ulot topoladi. Dubay, Abu Dabi va Sharjaga kirish qoidalari turlicha — sayohatdan oldin tekshiring.
Gruziya
Har ikki tomonga chiptalar: 363$ dan boshlab
Viza: kerak emas
Nima kerak: ketishdan oldin yangi PCR testi (yana biri kelganingizni uchinchi kuniga topshirilishi kerak) yoki to'liq emlash sertifikati, shuningdek to'ldirilgan so'rovnoma
Hamma ham dengizni xushlayvermaydi — kimdir lija yoki snoubordda uchishga qiziqadi. Agar siz xilma xillikni xohlasangiz, Gudauri, Bakuriani, Goderzi yoki Svanetiga xush kelibsiz. Ko’targich 3,5$ turadi, bir kunga skipass — 16$ ga aylanadi va taxminan 233$ ga apreldan to dekabrgacha barcha dam olish maskanlari uchun multipass olishi mumkin.