Aviakuryerlar kimlar?
Agar juda soddalashtirilsa — EMS, DHL, SDEK yoki milliy operatorlar kabi logistika kompaniyalari mavjud. Ular har qanday yukni (deyarli) yetkazib berishadi va saytda jo’natma hajmi va masofasidan kelib chiqib oldindan narxi va yetkazib berish muddati «vilka» sini bilib olishingiz mumkin. Ammo favqulodda vaziyatlar mavjud bo'lib, jo’natmani 6-12 soat ichida yetkazib berish kerak bo’ladi — va shunda ishga aviakuryerlar kirishadi.
Kasbning mohiyati har doim tayyor bo'lishdir. Siz har qanday mamlakatda bo'lishingiz mumkin, lekin sizga qo'ng'iroq qilishganida darhol aeroportga otlanishga tayyor bo'lishingiz kerak. Va bu qo’shimcha daromad emas, balki juda jiddiy ishdir: aviakuryerlarni yollaydigan logistika kompaniyalari deyarli hech qachon xususiy shaxslardan buyurtma olmaydilar — odatda bular favqulodda vaziyatga tushib qolgan yirik kompaniyalar.
Bu qanday tashkil etilgan va aviakuryerlar qancha pul ishlab topadi
Birinchi navbatda, sizning fuqaroligingiz va ochiq vizalar soni muhim ahamiyatga ega — sizni qancha mamlakatlarga yuborish mumkinligi shunga bog'liq. Yana bir muhim omil shundaki, sizda havo yo'llari uchun bonus (mil) dasturlari mavjudmi, chunki bu yuk tashish narxini pasaytirishi mumkin. Ammo, aytaylik, siz Toshkentdasiz, yuk esa keyingi 12 soatda Kuala-Lumpurga yetkazilishi kerak.
Unda sizni koordinator chaqirib, so'raydi – muddati bunday, yetkazib berish og'irligi bunday, mijoz bunday. Olasizmi? Yetkazib berishlar soni va ularning takrorlanishi ham sizning joylashuvingiz, tajribangiz va u yoki bu mamlakatga kirish imkoniyatingizga bog'liq. O'zbekistonliklar uchun mavjud imkoniyatlar juda ham ko'p emas, ammo o’tilgan bojxona punktlari va qabul qilingan vizalar sonining ko'payishi bilan imkoniyatlar ham ortib boradi.
To'lovga kelsak, ko'p narsa buyurtmaning zarurligi, parvoz oralig'i va yuk turiga bog'liq (xavotir olmang, u yerda taqiqlangan hech narsa bo’lmaydi — agar siz tasdiqlangan kompaniya uchun ishlasangiz). Lekin o'rtacha, agar buyurtma yetkazilishi 1-2 kunlik bo’lsa,Yevropa yoki AQSh bo’ylab bir reysga sutkasiga 150-200$ dan boshlab yoki, agar jo’natma zarur bo’lsa, sutkasiga 250-300$ dan boshlab desak bo'ladi. Turar joy, albatta, alohida to'lanadi.
Aviakuryerlarning xizmatlaridan kim foydalanadi va eng muhimi, qanday qilib aviakuryer bo'lish mumkin?
Ko'p hollarda, jismoniy shaxslarga oddiy yetkazib berish xizmatlarining o’zi yetarli, yoki ular kichik paketini yetkazib beroladigan tanishlar izlashadi. Biroq, an'anaviy tarzda biror narsani yetkazish mumkin bo'lmagan holatlar mavjud (yoki undanda qimmatroqqa aylanishi mumkin), shunda katta kompaniyalar aviakuryerlarni ishga yollashadi: ular muhim yukni bagajida olib kelishi mumkin bo'lgan jismoniy shaxslardir. Bular shoshilinch ravishda etkazib berilishi kerak bo'lgan hujjatlar, dori vositalarining tarkibiy qismlari, muhim texnik qismlar bo'lishi mumkin.
Ochiq manbalarda aviakuryerning vakansiyasini topish juda muammoli — garchi harakat qilib ko'rsa bo’ladi. Barcha mavjud xizmatlar va aviakompaniyalarga maktublar yozish mantiqiy to’g’ri usul bo'ladi: xatda siz qanchalik tez-tez uchishga tayyor ekanligingizni, qaysi davlatlar sizga ochiqligini va sayohat tajribangizni tasvirlab berishingiz zarur bo’ladi. Bu stress, albatta, lekin ayni paytda sayohat qilish va pul topish orzusidir ham.
Tanishlarim jo’natmalarni y'tkazish bilan hech qanday kompaniyalarsiz ham pul topishadi!
Ko'pincha tanish va begona odamlar boshqa shaharga biror narsa yetkazib berlishni iltimos qilishadi — odatda, bu «kim ertaga N shahriga uchadi, kichik jo’natmani berib qo’yish kerak, mukofoti bor» turdagi ijtimoiy tarmoqlarda so'rov yoki bevosita aeroportga borib u-bu kimdan iltimos qilish. Agar muntazam ravishda uchmasangiz, bu usulda jiddiy pul topish qiyin — biroq muammolarni topish mumkin.
Muammolar har xil bo'lishi mumkin — yukni (yoki sizni) reysga chiqishiga ruxsat berilmasligidan boshlab, ma'muriy va jinoiy javobgarlikka tortilishgacha, agar jo’natmada nimadir noqonuniy narsa bo'lsa (bu sizniki emasligini isbotlash qiyin bo'ladi). Bunda daromad — kilogramm uchun 5$ dan va texnika birligi uchun 50$ dan (masalan, iPhone) boshlangan miqdorni tashkil qiladi. Bunga arziydimi, bir necha marta o'ylab ko'ring.
Agar siz sayohat xarajatlarining kamida bir qismini qoplashni istasangiz, biz sizga maxsus xizmatlar va ilovalardan foydalanishni tavsiya qilamiz — u yerda hech bo'lmaganda foydalanuvchilarni telefon raqami va elektron pochtasi orqali tekshirish mavjud. Va yana — munozarali vaziyatlarni (masalan, to'lov bilan) kamaytiradigan qo'llab-quvvatlash xizmati ham bor.
Mana ulardan ayrimlari:
– Grabr
– Bagit