Nima uchun aynan Sankt-Peterburg?
Qahramon — shahar, yodgorlik — shahar, muzey — shahar, yig’ma ko'priklar va romantika shahri — bu yerda hatto dengiz bor (yaxshi, Finlyandiya ko'rfazi). Va, albatta, sakkiz mingga yaqin madaniy obidalar bor. Bundan tashqari, Sankt-Peterburgda yashash Moskvaga qaraganda shunchaki arzonroq (va bo'lish ham): tushlik qilish, taksi narxi, kiyim sotib olishdagi farq 20-40% bo'lishi mumkin, mehmonxonalar va kvartiralar esa deyarli ikki baravarga arzon.
Turar joy narxlari haqida bir oz
Narx, har doimgidek, sizning ehtiyojlaringiz va imkoniyatlaringizga bog'liq bo'ladi. Bir haftani 8-10 o'rinli xostelda 1500 rublga (20$) o'tkazish mumkin, lekin bu o’ta kamsuqum variant. Xuddi shu muddatga 4 kishilik xonadagi to'shak 2400 rubl (32$) turadi, hammomli individual xonalarning narxi esa 7 kuniga 5000 rubldan (70$) boshlanadi.
An'anaga ko'ra, siz Booking.com va Airbnb da qidirishingiz kerak, lekin maslahatimiz — taksiga pul sarflamaslik uchun, ko’proq to'lab markazdan (yoki hech bo'lmaganda metro yaqinidan) kvartira ijaraga olish ma’qulroq. Ha, ko'priklar tunda ko'tariladi — shuni ham unutmang.
Bog’lar va muzeylarsiz Piter qanday?
Sankt-Peterburgda kuz salqin (va zah) — iqlimi shunday. Ammo bu vaqtda shaharda sayyohlar kam, shuning uchun siz issiq kiyinib, soyabon va termosni olib — bog’larning birida sayr qilishingiz, hazonning tovlanishidan bahra olishingiz, issiq qahva ichishingiz va o’zgalardan yiroqda mangulik haqida hayol surishingiz mumkin.
Masalan, ulardan birida:
- Sankt-Peterburgning 300 yilligi bog'i
- S.M. Kirov nomidagi Markaziy madaniyat va istirohat bog'i.
- Aleksandr bog'i (“Tsarskoye Selo” muzey-qo'riqxonasida)
- Peterhof hiyobonlari va bog'lari (muzey ham, ma’lumki, o'sha joyda)
- Maxsus dam olish bog'i
Sankt-Peterburgda jami 70 ta hiyobon, 170 ta bog', 730 ta skver mavjud. Ularning ko'pchiligiga kirish bepul yoki juda arzon turadi — 100 dan 250 rublgacha (1,5-3,5$). Bundan tashqari, tashrif uchun obunalar bor: masalan, 1500 rubl (20$) to’lab, siz Botanika bog'ida xohlang har kuni sayr qilishingiz mumkin. Parkdagi attraksionlarning narxi 50 dan 500 rublgacha (0,7-7$).
Bog'lar nafaqat mushohada qilish yoki Instagramga melanxolik fotosuratlar olish — ularning ko'pchiligida festivallar, ko'rgazmalar, kontsertlar o'tkaziladi, bu borada veb -saytlar orqali jadvalini tekshirish ma’qul. Xo'sh, agar siz baribir ham muzlab qolsangiz, muzeyga yo’l olishingiz mumkin (Aynan Ermitajga emas, xohlasangiz boravering, albatta, ammo boshqa variantlar juda ko’p):
- Buyuk Pyotr (Kunstkamera) nomidagi antropologiya va etnografiya muzeyi.
- «Aurora» kreyseri (muzeyning sayti, mmm, alohida bir muzey)
- «Erarta» xususiy va birinchi zamonaviy san'at muzeyi
- «Grand Market Rossiya» milliy ko'rgazma muzeyi
- Petropavl qal'asi (Sankt-Peterburg tarixi muzeyi)
Jami, Sankt-Peterburgda 200 dan oshiq muzey va ularning filiallari bor, kirish narxi 100 dan 1000 rublgacha o'zgaradi (1,5-13$). Bundan tashqari chegirmali chiptalar va «bo'sh kunlar» mavjud, bunda to'lashning hojati yo'q — ma'lumotni har doim tegishli muzey veb -saytidan topish mumkin (hamma mashhur muzeylarnig sayti bor).
Endi, men hali 50 yoshda emasman-ki muzeylarga borsam — bundan ham qiziqroq narsalar bormi?
Aslida, muzeylar har qanday yoshda qiziq — faqat o'zingizga bu madaniyatni singdirib, «kirishib ketish» kerak. Ammo, albatta, Sankt-Peterburgda ko'plab boshqa ko'ngilochar joylar ham bor: siz san'at maydonlaridan biriga borishingiz mumkin (masalan, «Etaji» loft-loyihasi), Forbes jurnali dunyodagi «burga bozorlari» ning birinchi o'ntaligiga kiritgan “Udelnaya” burga bozoriga tushing, va, albatta, nihoyat, tuzukroq kontsertga boring — xayriyatki, Rossiyada ular o'tkazilib turiladi.
Biz bu safar «Sankt-Peterburgda qaerda yeb — ichsa bo’ladi» mavzusiga atayin to'xtalmadik, chunki buning uchun bir nechta alohida maqolalar kerak bo'lardi (lekin agar sizni qiziqtirsa, izohlarda yozing). Ammo boshlanishiga qozog'iston blogimizni ham o'rganishni sizga maslahat beramiz — masalan, oilaviy Sankt-Peterburgga sayohat yoki u yerda nimalarda tejash mumkinligi haqida o'qing.
Lekin narxlar haqida qisqacha aytib beramiz.
- Burchakdagi mahalliy kafeda tushlik — 500 rubldan (7$) boshlab
- Arzon restoranda ikki kishilik tushlik — 2000 rubldan (28$) boshlab
- McDonald's yoki shunga o'xshash fastfuddagi menyu — 300 rubldan (4$) boshlab
- Kafedagi mahalliy pivo — 150 rubldan (2$), kraft pivosi — 250 rubldan (3,5$) boshlab
- Bir stakan kapuchino e’tirozlarsiz — 150 rubldan (2$) boshlab
- Do'konda hajmi 0,33 bo'lgan kola — 60 rubl (0,8$)