Hozir Yevropaga uchish mumkinmi
Agar siz Yevropa ittifoqi biron bir davlatining fuqarosi bo’lsangiz yoki o’sha mamlakatda yashash uchun guvohnomangiz bo’lsa, unda mumkin. Bu reyslar asosan aynan shunday – hamda Yevropada yashab O’zbekistonga kelishi kerak bo’lgan (misol, biznes masalalari bilan) insonlar uchun tashkillashtirilgan.
Yana qanday boshqacha yo’l bilan 2021 yil kuzida Yevropaga (Shengen) borish mumkin:
- Davolanish uchun (siz faqat Yevropada davolanishingiz mumkinligi haqida ma'lumotnoma kerak)
- Yaqin qarindoshlar bilan uchrashuvga (amakilar, xolalar va uzoq qarindoshlar hisobga olinmaydi)
- Biznes masalalari bo'yicha (agar kompaniyangiz Yevropalik hamkorlar bilan ishlasa)
- Kasal qarindoshlariga davolanish uchun hamrohlik qilish (1-bandga qarang)
- Yevropa universitetiga o’qishga topshirish yoki o'qishni davom ettirish maqsadida
- Sportchi yoki madaniyat xodimi sifatida (siz musobaqada yoki tadbirda qatnashayotganingiz haqida tasdiqnoma kerak)
- Diplomatik maqsadlar uchun (aytganday, buni o’zingiz ham bilasiz)
- Tranzit orqali (agar siz boshqa joyga uchayotgan bo'lsangiz va aeroportdan chiqmasangiz)
Tushunishingiz kerakki, biz Qozog'iston kabi koronavirusning qizil zonasidamiz, vaziyat o'zgarmaydi (shuning uchun emlaning, iltimos). Alohida mamlakatlar talablarni o'zgartirishi mumkin — masalan, iyun oyida Germaniya Yevropada rusat etilgan emlashlar bilan emlangan uchinchi mamlakat fuqarolarini qabul qilishni e'lon qildi (keyingi abzatsga qarang). Lekin, har holda, har bir mamlakatga kirish shartlari safar oldidan Tashqi ishlar vazirligi saytida tekshirilishi kerak.
Yevropaga sayohat qilishdan oldin nimani bilishingiz kerak
Kirish sababiga qo'shimcha ravishda, avvalgidek, sizga xalqaro pasport va ochiq viza – yoki yashash uchun ruhsatnoma yoki Yevropa Ittifoqi fuqaroligini tasdiqlovchi hujjat kerak bo'ladi. Bundan tashqari, yangi PCR testisiz (uchib kelganingizda yana bir marta olinadi, hamda 10-14 kun davomida o'zingizni yakkalashingiz kerak bo’ladi) yoki Yevropada tasdiqlangan emlashlardan biri bilan emlash sertifikatisiz ish bitmaydi. Hozirda ulardan faqat to'rttasi bor:
- Pfizer
- Moderna *
- AstraZeneca *
- Janssen
* — ularni O'zbekistonda emlashadi, lekin ogoh bo'ling: bir xil vaksinalarning pasportlarini o'zaro qabul qilish to'g'risida hali hamma davlatlar ham kelishib olishmagan.
“Sputnik V” bizning mahalliy vaktsinamiz kabi JSST tomonidan hali tasdiqlanmagan. JSST tomonidan Sinovac va Sinopharm kabi Xitoy vaktsinalari «favqulodda foydalanish» uchun qabul qilingan, ammo endi ular Yevropa tibbiyot agentligi tomonidan tan olinishi kerak.
Shuningdek, cheklovlar haqida ma'lumot to'playdigan saytlarni o’qib tuiring:
IATA COVID-19 Travel Regulations Map
COVID-19 Travel Recommendations by Destination
Safe travel between European countries
Yevropaning biron yeriga borish mumkinmi axir?
Yuqorida aytilganlarning barchasi birinchi navbatda Shengen davlatlariga tegishli. Bolgariya, Serbiya, Xorvatiya, Chernogoriya, Gretsiya, Makedoniya, Moldova va Kiprga ancha yengilroq shartlarda kirish mumkin, chunki ularning ko'pchiligi Shengen hududiga kirmagan va sayyohlar oqimidan bevosita manfaatdor. Shuni unutmangki, Belarusiya va Ukraina ham — Yevropadir va uerlarga hozir ham bemalol sayohat qilishimiz mumkin.