Kiyevgacha uchib borish va chegaradan o’tish jihatlari
Toshkentdan Kiyevgacha va qaytishga to’g’ridan-to’g’ri aviachiptalar 538$ dan boshlanadi, ularni qayerdan izlashni bilasiz. Chegarada muddati o’tmagan manfiy PSR-test yoki Jahon sog’liqni saqlash tashkiloti tomonidan tasdiqlangan preparatlar (“Sputnik V” bo’lmaydi, AstraZeneca yoki Sinovac Coronavac — ayni muddao) bilan emlanganligingiz to’g’risida guvohnoma taqdim qilishingiz zarur. Bundan tashqari, mabodo koronavirus yuqtirib oladigan bo’lsangiz, oldindan sug’urtani rasmiylashtirib qo’yishingiz shart, buni Ukraina xududida sertifikatlangan xohlagan agentlikda onlayn amalga oshirish mumkin.
Diqqat: 2021 yilning 5 avgustidan Ukraina mamlakatga kirish talablarini oshirdi. Agar siz Ukraina tan olmagan vaksina bilan emlangan bo’lsangiz, unda o’zingizni 10 kundan 14 kungacha yakkalishingiz kerak bo’ladi. Kelganingizdan keyin yana bir marta PSR-test topshirsangiz (ekspress ham bo’laveradi) va u manfiy chiqsagina cheklovdan qutulishingiz mumkin.
Kiyevda qayerda yashash ma’qul bo’ladi
Kiyev shartli “mo’ljallanganligi” bor tumanlarga bo’lingan — nafaqat yotoq tumani, tarixiy va ishbilarmonlik markazlari, balki, ekspatlar yashaydigan, aynan xarid, sayir qilish va ovqatlanish uchun boriladigan shahar qismlari ham bor. Agar siz faqat dam olish kunlarini o’tkazish uchun ketmayotgan bo’lsangiz, unda sayyohlarni boshida joylashishdan ma’ni yo’q — Podolni tanlashingizni maslahat beramiz. U yer Andrey qiyaligi va Besarab bozori taraflar kabi gavjum va shovqin-suronli emas, ammo tarixiy markazgacha o’sha-o’sha 20 daqiqa yayov yurasiz. Bundan tashqari u yerda ko’pgina qahvaxonalar, kontseptual bar va sayr qilish uchun xiyobonlar bor.
Podoldagi yangi kvartira-studiya sutkasiga 30$ yoki oyiga tozalash va kommunal xizmatlari bilan 700$ ga aylanadi. Agar sizga IKEA ning mebeli va maishiy texnika shart bo’lmasa, arzonroqqa topishingiz ham mumkin — “buvicha ta’mir” uchun narxni bir yarim baravargacha tushirsa bo’ladi.
U yerda nimalar bilan band bo’lish mumkin
“Kiyevda instagram uchun barcha qadamjolardan surat qilib bo’lgach nima qilaman” demoqchi bo’ldingizmi? Ona-vatan haykali, Sofiya jomesi, Kiyev-Pecher lavrasi, piyodalar ko’prigi va Maydon fonida o’zingizni hujjatlashtirganingizdan so’ng, go’yo muzeylarga ham qiziqishingiz yuqoridek yo’l tuting.
Ular bu yerda yetarlicha topiladi, mikrominiatyura muzeyi, Mixail Bulgakov muzeyi, Chernobil muzeyi (aytgancha, 250-300$ ga haqiqiy Chernobilga sayohat uyushtirish imkoniyati ham bor), o’yinchoqlar muzeyi, meduzalar muzeyi, suv muzeyi, fotoillyuziyalar muzeyi, bir ko’cha muzeyi, hatto hojatxonalar tarixi muzeyi ham bor.
Agar ko’proq zavq kerak bo’lsa, unda kontsertga borishga arziydi (faqat chiptalarni o’sha sanalarga mo’ljallab olish zarur). Rossiya va Yevropagacha bir qadam, yaqin orada Face, Skriptonit. LSP, GusGus, Nazareth, Poets of the Fall, Jah Khalib, Kaleo, Asking Alexandria, Bumboks, Hammali & Navai va Valeriy Meladzelarning tashrifi kutilmoqda.
Ammo eng zo’r tanlov, sizga aytsak — kvartiradan chiqib, boshingiz oqqan tomonga ketaverish. Yoki 0,4$ ga metroga chipta olib duch kelgan bekatga borish kerak (chiqib, boshingiz oqqan tomonga borish uchun). Kiyev albatta sizga zo’r graffitilarni, bir burchakdagi bar, gorilka va salosi bor o’ziga hos qahvaxona yoki gotik cherkovni yo’liqtiradi.
Xohlagan vaqtingiz, deyarli Polsha bilan chegara yaqinida joylashgan (shu darajadaki, ikki xalq madaniyatini ham ichiga olgan, biroq buning tarixi uzoq) yana bir tarixiy shahar — L’vovga uchishingiz (yoki atigi 10$ to’lab poezdda borishingiz) mumkin. Mabodo dengizni sog’inib qolsangiz, unda Odessada cho’milsangiz bo’ladi va bir yo’la “Yo’l-yo’l reys” va “Tashuvchi 3” sahnalari suratga olingan joylarni tomosha qilishingiz mumkin. Tabiiyi-ki, latifalardan ham bahra olishingiz mumkin.
Kiyevning tilga olishga arzigulik ayrim muassasalari
Kemada joylashgan ukrain oshxonasining an’anaviy restorani
Nonushtaga atigi 2-3$ ga ajoyib kruassanlar
1 yevroga Kiyevning qoq markazida ustritsalar va sidr
Turlariga boy bo’lgan tinchgina qahvaxona-teatr
Kiyevning balki eng marginal rok-bari