Чипталар
Бу ерда ҳаммаси оддий, aviasales.uz сайтига ўтасиз ва март ойига 4 064 930 сўмга Тошкент-Дубай-Тошкент чиптасини оласиз.
Турар жой
Дубайда турар жой нархи хостелдаги ётоқ учун 20$ дан бошланади ва чексизгача боради. Бу шунчаки гап эмас, чунки хоҳласангиз ва имконингиз бўлса, хонани кунига 100 000$ га ҳам ижарага олишингиз мумкин. Хуллас, тахминан қуйидагича:
— Хостелдаги жой 20$ дан бошланади
— Меҳмонхонада икки кишилик хона 35$ дан бошланади
— 3 * меҳмонхонада икки кишилик хона 50$ дан бошланади
— 4 * меҳмонхонада икки кишилик хона 60$ дан бошланади
— 5 * меҳмонхонада икки кишилик хона 80$ дан бошланади
Шуни ёдда тутингки, юқори мавсумда (октябр-ноябр, март-апрел) нархлар 15-30% га ошади. Агар сиз booking.com орқали ижарага олган бўлсангиз, солиқлар белгиланган нархга қўшилмайди (яна 15% + 10% хизмат ва туристик тўловлар).
Транспорт
Таксига чиқиш тахминан 1,5$ ни ташкил этади, ҳар бир километрга — 0,5$ қўшилади, агар кутиш вақти ва тирбандликни қўшсангиз, ўртача бир сафарингиз 5-6$ га айланади. Метрода ёки трамвайда (битта зонада) ҳар бир саёҳат 1$ ни ташкил этади, гарчи 4-5$ га бир кунлик чипта ҳам олиш мумкин. Анъанавий қайиқда (абра) ёки сув автобусида саёҳат қилиш арзонроқ — 30-50 цент атрофида.
Овқатланиш
Пулни тежаш учун Дубайга бориш ғалати ғоя (қолаверса буни уддалай олмайсиз ҳам). Аммо уриниб кўрилса, Покистон ёки Ҳиндистон емакхонасини топиш ва ичимликларсиз 20$ га икки киши тушлик қилиши мумкин. Сайёҳлар кўпроқ йиғиладиган жойларда эса овқатланиш 80-100$ гача етади. Агар сиз бундан ташқари пиво ҳам ичишни истасангиз, у ҳолда ҳар бир 0.33 шиша учун 10-12$ дан ажратишга тайёр туринг.
Экскурcиялар
Эҳтимол, энг кўп харажатлар шунга тўғри келади (сиз хонангизда ўтирмоқчи эмассизку?). Гарчи бепул ташриф буюрадиган жойлар ҳақиқатан ҳам бор — баъзи пляжлар, Эски шаҳар, тилла ва зираворлар бозорлари, фламинго қўриқхонаси.
Пулни нималарга сарфлашингиз керак бўлади:
— “Burj Khalifa” нинг кузатув минораси — 41$ катталар чиптаси (болалар учун 25% чегирма)
— “Wild Wadi” сув парки — 75$ катталар учун ва 65$ болалар учун
— Олти амирлик бўйлаб саёҳат — киши бошига 90$ дан бошланади
— Саҳродаги сафари учун киши бошига 60$ дан бошланади
— Денгиз сафари — 100$ дан бошланади
— “IMG Worlds of Adventure” кўнгилочар паркига кириш — 80$
— “Dubay Miracle Garden” гуллар паркига кириш — 9$
Келинг, ҳисоблаймиз
Буларнинг барчаси жуда тахминий (чунки бу сизнинг имкониятларингизга, саёҳатнинг мақсадларига ва кейинчалик қотган нон ва сув билан қаноатлана олишингизга боғлиқ). Аммо келинг, икки киши учун ҳафталик харажатларни чамалаб кўрайлик:
— Тўғридан-тўғри парвозлар — 770$ дан бошланади
— 4 * меҳмонхонада турар жой — 525$ дан бошланади
— Йўлкира чипталари — 70$
— Такси — 70$
— Овқатланиш — 700$
— Экскурсиялар — 800$
— Эсдалик совғалари — 300$
— Бошқа харажатлар — 200$
Демак, агар кўп ҳам тежалмаса, барча асосий сайёҳлик жойларини кўрсангиз ва уйга озроқ эсдалик совғаларини олиб келсангиз, у ҳолда саёҳат сизга 3 435$ га ёки
жорий курс бўйича 36 207 476 сўмга айланади.
Ҳа, арзонроқ мамлакатлар ҳам бор. Аммо, ҳеч бўлмаса бир марта бориб келишга албатта арзийди!