Тбилисида қаерда яшаса бўлади ва бу ва қанчага айланади.
Чодирда яшаш (агар сиз тоғларда сайр қилмоқчи бўлсангиз) ёки текингина дўстларингизникида. Бошқа барча ҳолатларда сиз одатдаги вариантларга эга бўласиз:
- Хостелга жойлашиш — 1.30$ дан бошланади
- Кичкина хонадон — 12-20$ дан бошланади
- Марказдаги шинам хонадон — 30$ дан бошланади
- Меҳмонхона хонаси — 20$ дан бошланади
- 5 юлдузли меҳмонхона хонаси — 80$ дан бошланади
Агар дўстларингиз билан саёҳат қилсангиз, Тбилисидаги энг яхши вариант — бу Airbnb орқали ижарага марказдан шинам хонадон олиш. Мисол учун, агар сиз тўрт киши бўлсангиз, тарихий марказда 3 хонали хондонни кунига 40 доллардан ижарага олишингиз мумкин — киши бошига тахминан 10 доллардан тушади.
Озиқ-овқат ва ичимликлар қанча туради
Грузияда ҳамма нарса, Европа уёқда турсин, Россияга қараганда анча арзон. Агар сиз сайёҳлик ресторанларида эмас, балки маҳаллий кафе ва ресторанларда овқатлансангиз, сиз Тошкентдагидан ҳам камроқ пул сарфлашингиз мумкин. Аммо барчаси сизнинг саёҳатингиз мақсадига боғлиқ — балки сиз Tripadvisor ва Lonely Planet га гастрономик саёҳат уюштирмоқчидирсиз.
- Олиб кетишга катта хачапури — 0,4-0,6$
- Гўшт, қўзиқорин ёки картошка билан хинкали — ҳар бир донаси 0,2-0,3$
- 10 дона ёғда кўпчиган кулчалар (лекин кичик) — 0,3-0,6$
- Маҳаллий аҳоли учун кафедаги тушлик — 5-6$
- Марказдаги арзон кафеда икки кишилик кечки овқат — 12-18$
- Яхши ресторанда кечки овқат — 30/40$ (шаробсиз/шароб билан)
- Олиб кетишга қаҳва — 0,8-1,5$
- Ичимлик фавворачаларидаги сув — бепул
Эрталаб энг яқин муюлишгача пиёда боришни, дўкондан 0,50$ эвазига пишлоқли хачапурини олиб, ва қайтаётибоқ уни еб тугатишни ўзгача гашти бор...
Транспорт масаласи-чи?
Тбилиси у қадар катта эмас — ҳар ҳолда, сайёҳларни қизиқтирадиган тарихий маркази ҳам. Асосий диққатга сазовор жойларга пиёда бориш мумкин, агар вақт имкон берса — акс ҳолда, Тошкентдаги каби нархларда Яндекс.Такси дан фойдаланса бўлади. Аммо, агар ҳақиқатан ҳам хоҳласангиз ...
- Метрода саёҳат — 0,15$ (карта учун 0,6 $ депозит)
- Автобуслар ва микроавтобуслар — 0,15-0,2 $ (метро картаси орқали тўлашингиз мумкин)
- Фуникулёр билан кўтарилиш — 0,9 $ (карта учун 0,6 $ депозит)
- Арқонли йўлакда сайр қилиш — 0,75 $
- Яндекс.Такси да саёҳат — 1-4 $
- Аэропортга / аэропортдан автобус — 0,15 $
- Аэропортга / аэропортдан такси — 6-9 $
Агар сиз Тбилисидан ташқарида сайр қилишни истасангиз (масалан, Кахетияга кириб ўтишни), унда бир неча кунга ижарага машина олиш ўринли бўлади. Унинг нархи 25 доллардан (маҳаллий аҳолидан олинса) ёки 40 доллардан (халқаро тармоқ компанияларидан олинса) бошланади , бензин — литри учун 0,75 доллар атрофида.
Келинг, диққатга сазовор жойларга ўтамиз
Тбилисининг энг муҳим диққатга сазовор жойлари — шаҳарнинг ўзи. Масалан, унинг теварак-атрофидан — афсонага кўра хинкали ўйлаб топилган, балиқ овлашга бориладиган ёки маҳаллий узумзорлардаги барча шароб турларини тотиб кўрса бўладиган қишлоқни топишингиз мумкин. Аммо, агар чин сайёҳларнинг ҳаражатлари рўйхати билан танишишни хоҳласангиз, нархлар қуйида:
- Нарикала қалъаси — арқонли йўлакдан кўтарилиш 0.75 $, пиёда бўлса — бепул
- Олтингугуртли ванналар — 1-1,5 $ (умумийлари), 10-35 $ (соатига алоҳида буғ хонаси)
- Ботаника боғига кириш — 1,2 $
- Этнографик музейга кириш — 1,5 $
- Ҳайвонот боғига кириш — 0,75 $ (болаларга — 0,35 $ )
- Кафедрал ва маҳаллий черковлар — бепул
- Автобусда шаҳар бўйлаб саёҳат — 20 $ (24 соат давомида)
- Мцхетага автобус сафари — 3,5 соат давомида 10 $
- Кахетияга автоулов сафари (шаробларни татиб куриш билан) — 1-3 кишига 80-120 $
Мтацминда тоғидаги паркга чиқиш — бепул, лекин марказдан 0,9 $ эвазига фуникулёрдан ҳам фойдаланишингиз мумкин. Паркдаги аттракционлар тахминан 1,5-3 $ туради, овқатланиш — ўртача қийматдан юқорироқ (аммо қандай манзара!). Карта учун депозит (фуникулёр ва аттракционлар) — 0,6 $.
Ва, албатта, эсдалик совғалари
Тбилисидан нима олиб келишингиз мукимкинлиги ҳақида сизга айтишимизни ҳожати йўқ. Нархлар эса қуйида:
- Чурчхела — донаси учун 0,9 $ дан
- Аджика ва Сван тузи — 0,6-1,5 $
- Хинкали пайпоқлари — жуфт учун 2 $ дан
- Лойдан тайёрланган буюмлар — 1,5-8 $
- Заргарлик буюмлари — 15 $ дан бошланади
- Антиқий буюмлар — савдолашишингизга боғлиқ